2020-05-27 Udal Bilkura

Horratx gure taldeak esan eta bozkatuak:

Data: 2020-05-27

 

Udal osoaren ohiko bilkura

1.- Aurreko bilkuretako akten onespena, hala badagokio.

Ados.

 

2.- 2020 ekitaldirako Udal Araudi Planaren aldaketaren onespena.

Diru laguntzak bateratzeko eta laguntzen artean dauden ezberdintasunak saihesteko asmoarekin eginak direnez, alde bozkatuko dugu

 

3.- Gazteen alokairuak sustatzeko laguntzak izapidetzeko Azkoitiko Udala eta Azkoitia Lantzen, S.A.ren arteko hitzarmena onestea.

BERTAN BEHERA gelditu da, COVID19a tarteko, zinegotzi kopuru txikiagoa joan garelako eta gehiengora iristen ez ginelako.

 

4.- 2020 urteko Azkoitiko udalerriko tokiko jaiegunak zehaztea.

Betiko jaiegunak direla kontutan harturik eta langileen oniritzia badago, guk ez dugu oztoporik jarriko

 

5.- Kreditu gehigarrien bidez kredituak aldatzeko Azkoitiko Udaleko 2 zenbakidun espedientearen hasierako onespena.

Emergentzia egoera honetan, herriko merkataritza arlo denak suspertzeko eginiko bonoak direla kontutan harturik eta aurretik batzordeetan eztabaidatzeko aukera izan dugunez, baiezkoa emango diogu, baina ez, pasa den Urritik, legealdi planaren zain gaudela gogorarazi gabe.

 

6.- Kale garbiketa zerbitzuaren kontratuaren 1. luzapena onestea.

Honelako kasuetan eta esperientzia txarrik izan ezean ohi den bezala, alde bozkatuko dugu.

Bilduk, ezer arrazoitu gabe, batzordean abstentzioa eman zuela kontutan harturik, udal bilkuran ez badu arrazoitzen bozka  horren zergatia galdetuko diogu, ea besteok ez dakigun zerbait dakiten eta horrela bada herritarrak jakitea ere komenigarri litzatekeelako.

 

7.- Etxez Etxeko Laguntza zerbitzuko erabiltzaileen ekarpen ekonomikoa

zehazteko kalkulu sistema aldatzea, eta ondoriozko ordenantza fiskalaren

aldaketaren onespena.

Onuradun pertsona gehiago artatuko direnez eta egoera larrietan dauden herritar gehiagoren jarraipena egiten lagunduko digunez, ados.

 

8.- Azkoitiko merkataritza lokal hutsak ekintzaile berrien bitartez berreskuratzeko programaren oinarri arautzaileen aldaketaren

onespena.

Badirudi azken urtean, alde zaharrean itxita dauden lokalak ez direla irekitzen eta aldiz, bai beste toki batzuetan. Beraz, oinarriak orain arte bezala utzi ezkero, ez genuke onuradunik izango eta benetan pausu hau emateko balentria azaldu duenak laguntza bat merezi duela uste dugunez, gure aldeko bozka.

 

 

9.- Azkoitiko Udala, Zubiaurre-Elkargune Institutua eta San Jose Egoitzaren 2019ko aurrekontuaren likidazioaren kontu-hartzailearen txostenaren eta alkatearen dekretuen berri ematea.

 

  1. 2019. ekitaldiko finantza kontroleko urteko txostenaren berri ematea.

 

11.- Behin betiko onespenen berri ematea.

 

12.- Aurrekontuari buruzko informazioa.

 

13.- Galde-erreguak.

FacebookTwitterGoogle+

UDAL BILKURA 2020-03-25

Horratx hilero bezala gure taldeak udal bilkuran esan eta bozkatutakoak.

Data: 2020-03-25

 

Udal osoaren ohiko bilkura

 

1.- Aurreko bilkuretako akten onespena, hala badagokio. 

ADOS

2.- 2020 ekitaldirako Udal Araudi Planaren onespena. 

Gaur egun legeak agintzen digu plan hau eratzera eta derrigorrezkoa bihurtu dela kontutan harturik lehen pauso hau ematea egokia dela iruditzen zaigu. Udaletxeko sail bakoitzari galdetuta, bakoitzak bere arloan zaharkituta edo aldatu beharreko zenbait ordenantza aukeratu ditu eta gure taldeak ere kontutan hartu den  bere ekarpena egin zuen ogasun batzordean. Beraz, eman beharreko pausuak ondo eman diren konfiantzarekin, gure aldeko bozka.

3.- 2020 ekitaldiko udal langileen ordainsarien igoera. 

 

Soilik udal langileen igoera dela garbi utzi eta gero, ez dugu inongo oztoporik jarriko eta igoeraren alde bozkatuko dugu.

4.- Behin betiko onespenen berri ematea. 

5.- Aurrekontuari buruzko informazioa. 

6.- Galde-erreguak

 

URGENTZIAZKO HIRU  PUNTU:

BAI.

2020 KO UDALEKO AURREKONTUA GAUZATZEKO UDAL ARAUAK, 7.GO ATALEAN XEDATURIKOA ALDATZEARI BURUZKO IRIZPENA

PRESAZKO IZAERAZ IZAPIDETZEA

 

Gaur egungo larritasun egoera kontutan hartuta, diru kopuru hau berehala erabilgarri izatea egoki iruditzen zaigu eta erabilgarritasuna politikatik at izatea ezinbestekoa. Beraz hemen dakarkiguzuen aukera ez genuke jakingo nola hobetu, udaletxe honetan talde batek baitaki, beste denen gainetik, herriko pertsona/famili askoren benetako egoera nolakoa den, gizarte zerbitzuetako teknikariek osatzen duten taldeak hain zuzen eta arlo horren gain uztea hainbat herritarren ebaluaketa ondo hartutako erabakia iruditzen zaigu eta dudarik gabe alde bozkatuko dugu.

Kreditu aldaketa. Kreditu gehigarria 1/2020

Dagoeneko badakizue ondo baino hobeto kreditu aldaketen aurrean gure taldeak duen jarrera eta ez dugu gaur errepikatuko. Hemen aurkeztu eta aurretik telefonoz garbi azaldu diguzuen kreditu aldaketa honen aurrean zorionak ematea besterik ez zaigu geratzen, beharrean egon daitezkeen herritarrei laguntza emateko kreditu aldaketa izango baita eta arazo horiei aurrea hartzeko erabakia. Pertsonalki ez dakizue zer ilusio egiten didan kreditu aldaketa baten aurrean aldeko bozka ematea, ea aurrerantzean ere horrela jarraitzen dugun.

ELKARGUNEKO TASEM APLIKAZIOA BERTAN BEHERA UZTEA

Guk erabakiak taldean hartzen ditugu, baina gai hau premiatasunezkoa denez eta herritarren onurara bideratutakoa, baietza emango dut.

Dena den, Masquatro enpresarekin momentuz kontratua haustea baloratu duzue?

Lburbildura, kontratu denak aztertzen ari direla erantzun digute, udaletxeko teknikoen laguntzaz.

FacebookTwitterGoogle+

2020-02-26 Udal osoaren ohiko bilkura

Segidan gure taldeak esan eta bozkatutakoak:

Data: 2020-02-26 

Udal osoaren ohiko bilkura 

1.- Aurreko bilkuretako akten onespena, hala badagokio. 

ADOS 

2.- 2020 ekitaldiko Udaleko lanpostuen zerrenda eta plantillaren behin betiko onespena.

Udaletxeko bete behar bat besterik ez denez eta legediarekin bat eginez alde bozkatuko dugu. 

3.- Eusko Jaurlaritza eta Azkoitiko Udalaren arteko hitzarmenaren onespena, Euskal Autonomia Erkidegoaren administrazioari zuzendutako idazkiak udal erregistroetan aurkezteko lankidetzaren ingurukoa.

 

Gaur egun ere egiten dela jakin badakigu, beraz arazorik ezean eta herritarren onurarako izango delakoan, gure aldeko bozka.

 

4.- Azpeitia, Azkoitia eta Zestoako Udalen arteko Lankidetza Hitzarmenaren onespena, Urola Erdiko ikasleei eskainiko zaien Logopedia zerbitzua kontratatzeko, kudeatzeko eta finantzatzeko.

Hitzarmen honen prozedura urteroko berdina denez, zerbitzuaren helburua eta erabilera kopurua  kontutan harturik,  gure aldeko bozka duzue. 

 

5.- Azpeitia eta Azkoitiko Udalen arteko Lankidetza Hitzarmenaren onespena, Munoaundi Aztarnategia kudeatzeko eta finantzatzeko.

Azpeitiko udaletxearekin batera sinatzen dugun urteroko hitzarmena denez, gure aldetik arazorik ez eta beraz alde bozkatuko dugu. 

6.- EAJ eta PSE udal taldeek aurkeztutako Adierazpen Instituzionala, martxoak 8 egunekoa. 

Badakizue gure taldea aspalditxotik adierazpen hauen aurka dagoela, antzuak direlako eta herritarrei ez dielako ezer berririk eransten. Honelako gaietan haratago joateko ordua aspaldi heldu zela iruditzen zaigu eta urteroko irakurgai hauek alde batera uzteko garaia dela.

Dena den, hemen irakurri diguzuen neurri posibleetako bat “ Tokiko bizitzako Emakumeen eta gizonen Berdintasunerako Europako gutunari atxikitzea” da, baina guk nahiago genuke, legealdi berri honetan ere, batzordeetan, elkarlanean, aldarrikatzen ari garen eta momentuz behintzat inor kontra agertu ez den, Gipuzkoako udalerrietan indarkeria sexista kasuen aurrean erantzun publiko instituzionala emateko Protokoloa sinatuko bagenu lehen bai lehen, hau da, Europara begiratu beharrean, gure teknikariek, hemen bertan, gure probintzian landutako neurriak onartzea eskatuko dugu guk berriro ere.

 

7.- Behin betiko onespenen berri ematea.

 

8.- Aurrekontuari buruzko informazioa.

 

9.- Galde-erreguak.

FacebookTwitterGoogle+

2020-01-29 Udal bilkura

Hemen doakizue udal bilkuran gure taldeak esandakoa eta bozkatutakoa.

Data: 2020-01-29

 

Udal bilkura

 

1.- Aurreko bilkurako aktaren onespena, hala badagokio.

ADOS

 

2.- Udaleko aurrekontua gauzatzeko udal arauaren hasierako onespena.

Akats txiki bat konpontzea besterik ez denez eta aurretik batzordean denok alde azaldu ginela kontutan harturik, baietza bozkatuko dugu. Ondo deritzogu 6.000€tik gorako kontratutan 3 aurrekontu eskatzea, baina txikiagotan zentzu gabeko lan karga handitzea besterik ez luke sortuko.

 

3.- EUDEL-ek emandako gomendioarekin bat, gurasotasun-baimenak parekatzearen onespena.

Berdintasunaren alde, amatasun eta aitatasun denboraldiak berdintzea ondo iruditzen zaigu, ea horrela, ondoren gizarteko beste arlo guztietara zabalduz, gizonen nolabaiteko inplikazioa lortzeko kapaz garen.

 

4.- Behin betiko onespenen berri ematea.

 

5.- Aurrekontuari buruzko informazioa.

 

6.- Galde-erreguak.

FacebookTwitterGoogle+

Aurrekontuak 2020 (2019-12-27ko Udal bilkura)

Data: 2019-12-27

 

Udal bilkura

 

1.- 2020 ekitaldirako Azkoitiko Udala, San Jose Egoitza, Zubiaurre-Elkargune Institutua, Azkoitia Lantzen, S.A.-ren aurrekontua eta Aurrekontu Kontsolidatuaren hasierako onespena.

 

EH-Bilduren osoko zuzenketa:

Pasa den urteko zuen argudio berdinak erabili beharko bagenitu abstenitu egin beharko genuke. Zuek esan zenutenaren arabera talde bion proposamenak oso antzekoak ziren, baina elkarrekin aurkezteko prestutasuna azaldu ez izanak, zuen baietza abstentzio bihurtu zuen. Aurtengo egoera ere nahiko antzekoa da.

Udal komunikazioaren aurrekontua gutxitzeko eskubidea ere aspaldi galdu zenutela iruditzen zaigu, aukera izan zenutenean, hau da, gobernuan egon zinetenean ez zenutelako kendu. Parkeen mantenuan, derrigorrezko segurtasun neurri batzuk bermatu beharko dira eta benetan ez dakit diru hau kendu ezkero behar diren arauak beteko genituzkeen. Dena den bi taldeok eskaturikoak antz handia dute eta gure taldeak, beste alderdiak gaizki nola utziko lanean ez du indarrik gastatzen, herritarraren onurari begiratzen dio soilik, beraz alde bozkatuko dugu.

 

1.-Azkoitiko Udalak 2020ko ekitaldirako izango duen aurrekontua, 15.110.000,00 eurokoa

Guk, egiten ditugun ekarpenak aintzat hartzen direnean, ez dugu inongo arazorik eskertzeko eta nahiz eta batzordeetan ere aurretik eskertu, berriro ere esan nahi dugu oso positiboki baloratzen dugula zuen jestu hau. Urtean zehar, batzordeetara eraman ditugun gaiak zuen aurrekontuan jarri dituzue, Mugiment, pertsona inaktibo eta sedentarioak mugimenduan jartzea sustatzen duen egitasmoa adibide bezala. Baina hori gutxi ez dela, gure aurrekontuetan aurkeztutako beste batzuk ere onartu dizkiguzue. Egia esan ez genuen esperantza handirik eta harrituta utzi gaituzue.

Urtero bezala, herrian euskara gehien sustatzen duen aldizkariari, hau da, Maxixatzeni laguntza bat ematea eskatu genizuen eta dagoeneko beraiek antolatzeko asmoa duten egitasmo baterako diru kantitate bat onartua zenutela erantzun zeniguten. Egitasmoak, gainera, emakumea duela protagonista jakinik, berdintasun arloan ere izango du eragina.

Gure ibaira plastiko isuria ekiditeko asmoz ere, nahiz eta zuen aurrekontuan aurretik kantitate bat jarrita izan, gurekin bat egin duzue eta lanketa horretan buru belarri lanean ari den taldeak eskaturikoa bere osotasunean onartu duzue.

Herriko talde feministarekin harremanak sendotzeko asmoz ere urtero diru kantitate bat ipintzen dugu eta nahiz eta oraindik non eta nola gastatuko den esan ez diguzuen, teknikari berriaren laguntzaz, berdintasunera bideratuko duzuela badakigu behintzat.

Herritarren parte hartzea sustatzeko ere, lehen pasoak emateko asmoz, aspalditxotik kopuru bat jarri izan dugu gure aurrekontuetan eta oraingo honetan, guk aurreikusitakoa baino kantitate handiagoa ipini duzue. Ea pentsatuta duzuen herri galdeketak arrakasta izaten duen eta herritarrak, denon artean, parte hartzera bultzatzen ditugun.

Herriko kultur eta kirol taldeei ere kopuru berezi bat ematearen aldekoak gara eta aurten ere %5eko gutxieneko igoera bat eskatu dizuegu. Talde denei egin beharrean igoera talde bati egitea aurreikusi duzue zuek eta egia esan ez zaigu gaizki iruditu Sahatsa taldeari horrelako bultzadatxoa ematea.

Xabier Muniberen 50.urteaurrena ospatzeko, oposizioko beste taldeok eskatutako kantitatea ere onartu diguzue. Egitasmo honekin badituzue zuen dudak, baina kopuru hau jartzeaz ez dut uste damutuko zaretenik, aurretik pentsatu dena egiteko kapaz badira/bagara ahaztu ezinekoa izango baita, herritar askoren parte hartzea ezinbestekoa izango delako eta beraz herritarren oroitzapenetan finkatuta geldituko delako.

Eta azkenik gure taldeak azken urtean lehentasuna eman dion proiektua, Floreagako igogailua, igerileku berriarekin batera estrategikotzat jotzen duzuela onartu diguzue eta ea Martxotik aurrera gastatzeko moduan izango dugun gerakinarekin 2. Fasearen obra esleitzeko pausoak lehen bai lehen ematen ditugun.

Baina badira guk eskaturiko eta ez onarturiko beste partida batzuk ere, errenta baxuko jubilatuei, ekintzaile eta sortzaile berrientzat laguntzak. Dena den, nahiz eta laguntza hauentzat aurrekonturik ez jarri, gutxienez zuen arrazoiak eman dizkiguzue. Beharrean dauden pertsonentzat, laster etorriko diren tekniko berriekin buelta bat eman beharko diezuela onartu duzue  eta ekintzaile berriei laguntzak emateko beste herriekin hitz egin (Azpeitia eta Zestoarekin hain zuzen) eta Iraurgi Berritzenen bitartez laguntza hauek bideratzeko ados egongo zinateketela erakutsi diguzue.

Bestalde, udaletxeko prentsa zerbitzua, herritar askorentzat, zuen alderdiari propaganda egiteko, denon diruaz ordainduriko egitasmo bat besterik ez da eta ez dakigu zer argudiatu hori pentsa ez dezaten. Denon artean adostutako aldaketa sakon bat egiten ez dugun bitartean partida hau desagertzearen alde azalduko gara.

Urtean zehar egiten dituzuen kreditu aldaketekin ere ez gaude ados eta beste alderdiek parte hartze handiagoa izatea gustatuko litzaiguke. Aurrekontu irekiak ere herri askotan ikusten dira dagoeneko eta gurean, herritarrei, zentzu horretan, keinu bat egitea ere askotan eskatu dizuegu.

Laburbilduz, gure taldeak eskaturiko asko onartu izana eskertu berriro ere eta egia esateko baietzetik hurbilago gaude ezetzetik baino. Dena den, zuen pasa den urteko hitzei kasu egin behar bagenio ezetza bozkatu beharko genuke. Nahiz eta ikusi guk aurkeztu genituen aurrekontuetako zenbaki denak, urtean zehar, guk esan bezalakoak izan, zuek zuhurtziaz jokatzeko ez zela mailegurik eskatu behar esan zenuten eta orain berriz zeuek zarete hasieratik eskatzearen alde azaldu zaretenak.Guk pasa den urtean zuhurtziaz jokatu genuen eta urte osoko zenbakiak horrela diote, hori bai, guretzat lehentasuna Floreagako lehen 2 faseak ziren eta zuentzat, diru hori erabili duzuenaren arabera, beste proiektu batzuk.Beraz, ezetza ez denez eta baiezko osoa ere ez, abstenitu egin beharko gara.

 

2.-Zubiaurre Elkargune Institutuaren aurrekontua, 2020ko ekitaldirako, 744.600,00eurokoa

Tasetan urtero izaten ditugu gure desadostasunak eta bertako antolaketa pixkanaka, arloz-arlo, udaletxera  bideratzea ere nahiko genuke. Badakigu azken hau ez dela pare bat hilabetetan egiteko azterketa bat, baina azken batzordean zuen asmo ona ikusi dugulakoan, gure baiezkoa.

 

3.-San Jose Egoitzaren 2020ko ekitaldirako aurrekontua, 68.300,00  eurokoa

Egoitzan dugun arazoa ez da aurrekontua, azken urteotan ia dena Aldunditik bideratzen baita. Egoitzaren arazo nagusia bere kokapena da eta gure taldearen eskakizunetako bat aspalditxotik. Arazo honek ere ez du berehalako  irtenbiderik, baina ea bere  bueltan lanean dabilen talderekin bat eginez aurrerapausoak emateko gai garen hurrengo urtean. Aurrekontuari buruz beste esatekorik ez, beraz gure aldeko bozka.

 

4.-Azkoitia Lantzen SA ren aurrekontua 2020ko ekitaldirako, 1.870.051,00 eurokoa

Udaletxe askotan handitasun garaian sortutako enpresa hauek ez lukete existitu ere egin behar. Hori aldarrikatzeko gure taldeak legealdi honetan ere ez du kargurik hartu eta beti bezala ezetza bozkatuko dugu.

 

5.-Azkoitiko Udalaren aurrekontu kontsolidatua 2020ko ekitaldirako, 17.051.551,00eurokoa

Aurrekontu honetan pisurik handiena udalaren aurrekontuak duela ikusirik eta puntu horretan abstenitu egin garenez, hemen ere bozka berdina.

 

 

2.- 2020 ekitaldirako Azkoitiko Udalaren langileen plantila eta Lanpostuen Zerrendaren hasierako onespena.

Ez dugu esateko handirik. Gizarte zerbitzuetan gehiegizko lan karga dagoen errezeloa dugu. Badirudi epe laburrean langile berrien laguntza izango dutela, etxez etxeko laguntzari jarraipen zuzenago bat egiteko, prebentzioan eta baita berdintasunean ere. Azken puntu honek, hau da, berdintasunak, aurreko legealdian nahiko kezka eman digu oposizioko taldeei, baina esan bezala epe laburrean, gizarte zerbitzuen arlora langile berriak etorriko zaizkigu eta honek, udaletxeko teknikoen arabera, asko gehituko du berdintasunari udaletxe honek emango dion eskaintza eta nahikoa ez balitz aurrerantzean gehitzeko ere konpromisoa azaldu diguzue, beraz puntu honetan gure taldearen baiezkoa.

 

 

3.- 2020-2022 Azkoitiko Udalaren Plan Estrategikoaren hasierako onespena.

Atzeratutako gai batzuk baditugu, adibidez beharrean dauden pertsona batzuei kendu zizkien laguntzak nolabait birbideratzea. Dena den badakigu ez dela ez diru hori aurrezteagatik, ez eta borondate faltagatik, udaletxe honek kendutakoak ez baitira. Beraz, gaia ahaztu ez dezagun, aipamen hau egin ondoren, gure aldeko bozka.

 

 

4.- 2020 ekitaldirako Aurrekontua exekutatzeko Udal Arauan Kontuhartze mugatua ezartzearen hasierako onespena.

Kontu-hatzailetzarekin konfiantza osoa dugu, badakigu ahal duen guztietan zuhurtziaz jokatuko duela, beraz alde bozkatuko dugu.

 

 

5.- Kreditu transferentzia bidez kredituak aldatzeko Azkoitiko Udaleko 7 zenbakidun espedientearen onespena.

Gure erantzuna badakizue dagoeneko eta badirudi zuen taldekideak ere kopiatzen hasi zaizkigula. Estatuko gobernu osaketaren negoziazioak direla eta, Aitor Estebanek honela zioen( gazteleraz dago, baina esaldi txiki batean asko esaten duela iruditzen zait) “No pueden llegar las iniciativas cocinadas” . Azken finean guk ere horixe bera eskatzen dugu, beraz ea agindu zeniguten legealdiko plan hori aurkezten diguzuen eta denon artean, azkoitiarrak asebeteko dituen plan txukun bat eratzeko kapaz garen. Bitartean badakizue, gure kontrako bozka.

 

 

6.- Gipuzkoako Foru Aldundiaren eta Azkoitiko Udalaren arteko hitzarmena onestea, mendekotasun prestazio ekonomikoak jasotzen dituzten herritarrek jasotako zaintzaren kalitatearen aldiko jarraipena egiteko.

Jarraipen eta kontrolak gehitzeak zerbitzuaren hobetzea ekarriko duelakoan, gure aldeko bozka.

 

7.- 2020-2024 Azkoitiko Adikzioen Prebentzio Komunitarioko Udal Planaren onespena.

Batzordeetan ere esan dugu, baina errepikatzea gustatuko litzaidake, plana bukatu ostean, plan honen jarraipen eta egiaztapen egokiak egiteko, gure taldearentzat, ezinbesteko garrantzia duela, osatzea nahi den mahaiaren konposaketak eta  batik bat bere aniztasunak. Beraz eskari hau aintzat hartuko duzuelakoan gure aldeko bozka.

 

 

8.- 2020-2023 Euskara Sustatzeko Ekintza Planaren onespena.

Aurreko planak UEMAN sartzea aurreikusten zuen, baina azkenik ez da gauzatu. Orain hemen aurkezten den plan honetan berriz ez da horretarako borondaterik ere agertzen. Guretzat UEMAN sartzeak laguntza emango liguke aurrerapauso sendoagoak emateko, beste herrietan egindako ekintzetan lortu dituzten emaitzak gurera moldatzeko aukera emango ligukeelako. Dena den ea plan honetan markatutako beste egitasmo denak burutzeko kapaz garen eta gure hizkuntza babesteko beste aurrerapauso batzuk ematen ditugun. Beraz, zuek ere borondate horrekin bat egiten duzuelakoan alde bozkatuko dugu.

FacebookTwitterGoogle+

Hemen dituzue beti bezala gure taldeak esan eta bozkatutakoak.

 

Data: 2019-11-27

 

Udal bilkura

 

1.- Aurreko bilkurako aktaren onespena, hala badagokio.

ADOS

 

2.- Azkoitiko Arau Subsidiarioen 4. aldaketari dagokion espedientean, 3. area “San Martin”, 24. area “San Juan” eta 25. area “Basarte” eremuei dagokien behin betiko onespenaren ofiziozko berrikuspena.

Behin betiko onartuta genituen ataletan ingurumeneko txostenak falta zirela ohartu ondoren, egokiago ikusten dugu guk ere, lehen onartutakoa deuseztatu eta falta diren informeak gehitzea, etorkizunean izan genitzakeen arazoak ekiditeko, beraz ados.

 

3.- Azkoitiko Irisgarritasun Planaren fitxen aldaketa.

Nahiz eta fitxetan zuzendu beharreko gauzatxo batzuk aurkitu, gure adostasuna emango dizuegu, Aldundiak laguntzak emateko epea zabaltzen duenean, irisgarritasun plana onartua izatea beharrezkoa ikusten  dugulako, horrela irteten diren une berean, laguntza horiek jasotzeko arazorik izan ez dezagun

 

4.- Kreditu transferentzia bidez kredituak aldatzeko Azkoitiko Udaleko 5 zenbakidun espedientearen hasierako onespena.

Ea legealdiko plana beste alderdiekin adosteko borondatea azaltzen diguzuen eta orduan behar bada hasiko gara kreditu aldaketa hauek baloratzen, bitartean beti bezala gure ezezkoa. Dagoeneko hasi gara datorren urteko aurrekontuak aztertzen eta asko poztuko ginateke beste alderdien ekarpenak aintzat hartuko bazenituzte, edo gutxienez beste herri batzuetan egiten diren aurrekontu irekiak bultzatuko bazenituzte. Bi puntu horietako zerbait aldatzeko borondatea ikusi nahi genuke eta horrekin beste urteetako jarrera aldatzeko borondatea, bestela guk ezezkoan jarraituko dugu.

5.- Boliviako gizartea pairatzen ari den egoeraren aurrean EH Bildu udal taldeak eta EAJ udal taldeak aurkeztutako mozioak.

Gure taldea mozio eta adierazpen hauekin aspalditxo aspertu zen eta herritarrei ere ez dugu uste ezer aportatzen diogunik irakurketa soil honekin. Pasa den larunbatean bezala, adierazpenak alde batera utzi eta herrira begira ekintzak egiteko edo herritik bertatik sorturikoak babesteko aurkituko gaituzue.

Gure taldea batik bat herriko arazoei irtenbidea ematen saiatzen da, hori bai, aurretik batzordeetan lantzen ditugu gai denak eta aurretik ezer landu eta eztabaidatu gabe, honelako udal bilkura batean, mozio eta adierazpenen irakurtze hutsaren alde ez gaituzue aurkituko eta beti bezala kontra bozkatuko dugu, bai mozio hauetan eta baita hurrengoetan ere.

 

6.- 2019ko Euskararen Nazioarteko Egunerako EAJ eta PSE udal taldeek aurkeztutako Adierazpen Instituzionala.

 Abenduaren 3an herriko plazan sortzen den giroa goraipatu eta ekintzetan aurkituko gaituzuela gogotatu, baina mozio eta adierazpen hauen kontra gaude.

7.- Behin betiko onespenen berri ematea.

 

8.- Aurrekontuari buruzko informazioa.


9.- Galde-erreguak.

FacebookTwitterGoogle+

http://www.azkoitiabai.com/?p=329

2019-10-30 Udal bilkura

Hemen dituzue, hilero bezala, idatziz, udal bilkuran gure taldeak esandakoak.

1.- Aurreko bilkuretako akten onespena, hala badagokio.

ADOS

 

2.- Azkoitiko Udalaren eta Gipuzkoako Garraioaren Lurralde Agintaritza Patzuergoaren artean Udal Erroldaren datuak egiaztatzeko hitzarmenaren onespena.

Honelako komunikazioak batik bat herritarraren erosotasunerako erabiltzen direla pentsatuz alde bozkatuko dugu.

 

3.- Azkoitiko Udal Larrialdietarako Planaren eguneraketaren onespena.

Oraindik akatsen bat egon litekeela jakinda ere, onarpen hau gehiago atzeratu ez dadin eta hurrengo eguneratze batean zuzenduko direlakoan, gure aldeko bozka.

 

4.- Kreditu gehigarrien bidez kredituak aldatzeko Azkoitiko Udaleko 3 zenbakidun espedientearen hasierako onespena.

Behin eta berriz errepikatu dugu kreditu aldaketetan erabiltzen duzuen politika ez dugula gustukoa eta aldatzen ez den bitartean ez dugula alde bozkatuko. Legealdi plana burutzen duzuenean eta beste taldeekin adostasunetara iristeko ahalegina egiten duzuela ikusi orduko, hasiko gara kreditu aldaketa bakoitzari bere erantzun zehatza ematen.

 

5.- 2020rako Taxi tarifen onespena.

Erabakitako KPIaren igotzea dela ikusirik eta taxista beraiekin eta beste herriekin adostutako erabakia denez alde bozkatuko dugu.

 

6.- 2018-2019 Dirulaguntzen Plan Estrategikoaren ebaluazio memoriaren berri ematea.

 

7.- Behin betiko onespenen berri ematea.

 

8.- Aurrekontuari buruzko informazioa.

 

9.- Galde-erreguak.

FacebookTwitterGoogle+

2019-09-25 Udal bilkura

Beti bezala eta herritarra informatzeko asmoz, jarraian gure taldeak 2019-09-25eko udal bilkuran esandako gehientsuenak irakurri ditzazkezue:

1.- Aurreko bilkurako aktaren onespena, hala badagokio.

ADOS

 

2.- 2020 ekitaldirako Ordenantza Fiskalen aldaketaren onespena.

Ikusten da guk pasa den urtean eginiko eskakizun batzuei buelta bat eman diezuela eta eskertzekoa da:

-Gure taldeak pasa den urtean aipaturiko famili ugarien hobariak, berauek dituzten diru sarreren arabera ematen saiatuko zarete eta eskertzen da.

Baina badira aspalditxo adostu ezin ditugun beste hainbat ere:

-Beste herriekin alderatuz, goitik ditugun zergak ez dituzuela igoko aurreratu zeniguten, baina etxebizitzen IBI-ak %8-9 jaistea eskatuko luke beste herrien batez bestekoan egoteko, beraz %1a ez igotzeak ez du asko suposatzen, oraindik beste herriekin dugun aldea murrizteko eta pasa den urtean jo zenuten “pelotazoak” bere horretan jarraituko du. Herritarrak ondo ulertzeko, beste herriekin konparaketa egin ezkero etxebizitzen IBI-a %9a gehiago ordaintzen ari garela eta industriala %2,5a gutxiago eta hori aldatzeko borondaterik ez duzuela agertzen alajaina. Ez dakit zer arrazoi dituzuen horretarako, baina gure ustez herritarrek asko eskertuko lukete horren zergatia ezagutzea. Beraz, gure taldeak urte askoz indarrean egon den irizpen bera mantentzea besterik ez du eskatzen, hau da, gure herrian kobratzen diren zergak ondoko beste 19 herriekin  alderatuz batez bestean kokatzea, konparazio horretan besteak baino garestiago bagara zerga jaistea eta merkeagoak garenetan altxatzea, esan bezala urte askotan udaletxe honetan indarrean egon den irizpena jarraituz.

Hori horrela jarraian izendatuko ditugun proposamenak talde bakoitzaren arrazoiak azalduz bozkatzea eskatuko nizueke:

 

 

 

 

 

 

 

 

 

 

 

 

1.EMENDAKINA

Etxebizitzen IBIa %9an jaitsi.

 

 

UDAL GOBERNUA
2019   2019  
HERRIA OHZ
BIZITEGI
HERRIA OHZ
BIZITEGI
1 TOLOSA 0,30810 1 TOLOSA 0,30810
2 AZPEITIA 0,30740 2 AZPEITIA 0,30740
3 ARETXABAL. 0,26220 3 ARETXABAL. 0,26220
4 DEBA 0,24500 4 DEBA 0,24500
5 AZKOITIA 0,23320 5 ELGOIBAR 0,23300
6 ELGOIBAR 0,23300 6 HONDARRABI. 0,22920
7 HONDARRABI. 0,22920 7 ORDIZIA 0,22800
8 ORDIZIA 0,22800 8 OÑATI 0,22130
9 OÑATI 0,22130 9 LEGAZPI 0,21300
10 LEGAZPI 0,21300 10 ZUMAIA 0,21290
11 ZUMAIA 0,21290 11 AZKOITIA 0,21220
12 PASAIA 0,20840 12 PASAIA 0,20840
13 BERGARA 0,20650 13 BERGARA 0,20650
14 BEASAIN 0,20500 14 BEASAIN 0,20500
15 ZUMARRAGA 0,20190 15 ZUMARRAGA 0,20190
16 URRETXU 0,20140 16 URRETXU 0,20140
17 HERNANI 0,19790 17 HERNANI 0,19790
18 USURBIL 0,18880 18 USURBIL 0,18880
19 OIARTZUN 0,18080 19 OIARTZUN 0,18080
20 ANDOAIN 0,17000 20 ANDOAIN 0,17000

 

 

 

 

 

 

 

 

 

 

 

 

2.EMENDAKINA

IBI industriala %2,5a igo.

 

UDAL GOBERNUA
2019   2019  
HERRIA OHZ
INDUSTRIA
HERRIA OHZ
INDUSTRIA
1 OÑATI 0,56979 1 HERNANI 0,60000
2 HERNANI 0,60000 2 BEASAIN 0,60000
3 BEASAIN 0,60000 3 ORDIZIA 0,60000
4 ORDIZIA 0,60000 4 PASAIA 0,60000
5 PASAIA 0,60000 5 TOLOSA 0,60000
6 TOLOSA 0,60000 6 AZPEITIA 0,60000
7 AZPEITIA 0,60000 7 ARETXABALETA 0,60000
8 ARETXABALETA 0,60000 8 DEBA 0,60000
9 DEBA 0,60000 9 LEGAZPI 0,58500
10 LEGAZPI 0,58500 10 AZKOITIA 0,58025
11 HONDARRABIA 0,57510 11 HONDARRABIA 0,57510
12 USURBIL 0,56870 12 OÑATI 0,56979
13 AZKOITIA 0,56610 13 USURBIL 0,56870
14 ZUMAIA 0,53930 14 ZUMAIA 0,53930
15 OIARTZUN 0,53760 15 OIARTZUN 0,53760
16 BERGARA 0,52230 16 BERGARA 0,52230
17 ANDOAIN 0,52000 17 ANDOAIN 0,52000
18 ZUMARRAGA 0,51100 18 ZUMARRAGA 0,51100
19 ELGOIBAR 0,48000 19 ELGOIBAR 0,48000
20 URRETXU 0,43700 20 URRETXU 0,43700

 

 

 

 

 

 

 

 

 

 

 

 

 

3.EMENDAKINA

Landa-lurretako IBIa %4,5 jaitsi.

UDAL GOBERNUA
2019   2019  
HERRIA OHZ
LANDALUR
HERRIA OHZ
LANDALUR
1 OIARTZUN 1,1000 1 OIARTZUN 1,1000
2 ANDOAIN 1,1000 2 ANDOAIN 1,1000
3 ARETXABALETA 1,1000 3 ARETXABALETA 1,1000
4 ELGOIBAR 1,1000 4 ELGOIBAR 1,1000
5 OÑATI 1,1000 5 OÑATI 1,1000
6 BERGARA 1,1000 6 BERGARA 1,1000
7 HONDARRABIA 1,0896 7 HONDARRABIA 1,0896
8 AZKOITIA 1,0711 8 HERNANI 1,0494
9 HERNANI 1,0494 9 ORDIZIA 1,0250
10 ORDIZIA 1,0250 10 AZKOITIA 1,0229
11 AZPEITIA 1,0100 11 AZPEITIA 1,0100
12 TOLOSA 1,0000 12 TOLOSA 1,0000
13 LEGAZPI 0,9540 13 LEGAZPI 0,9540
14 URRETXU 0,9510 14 URRETXU 0,9510
15 PASAIA 0,9485 15 PASAIA 0,9485
16 DEBA 0,9240 16 DEBA 0,9240
17 ZUMARRAGA 0,8390 17 ZUMARRAGA 0,8390
18 USURBIL 0,8239 18 USURBIL 0,8239
19 BEASAIN 0,7637 19 BEASAIN 0,7637
20 ZUMAIA 0,7218 20 ZUMAIA 0,7218

 

Esan behar hiri lurren plusbalioa ere taulan begiratu ezkero merkeago dela dirudiela, baina zerga honetan beste zenbaki batzuk ere kontutan hartzen direla informatu gara kontu-hartzailetzan eta azken finean beste herrien parean izango ginatekeela.

 

Taula horretatik at dauden beste zerga/tasa batzuk ere aldatzeko edo berriro ezartzeko prest egongo ginateke eta hemen ere talde bakoitzaren bozka arrazoitua eskatuko genizueke:

-Etxe hutsak: Gai honetan ere urteroko berdina. Herrian etxebizitza bat alokatzeko arazoak dauden bitartean, egokiena etxe hutsak alokatzea dirudi, beste erabilerarik aurreikusten ez bazaio behintzat, hau da jabeak ezertarako erabilerarik eman nahi ez badio eta etekinik atera beharrik ez badu, ekonomikoki beharrik ez duen seinale, beraz behar gehiago dutenentzat zerga altuxeagoa ordaintzeak ez dio ardura handirik eragingo. Beraz hau da 4.emendakinak dioena:

4.EMENDAKINA

Gure herrian etxe hutsen zerga indarrean egon zenean ez zuen inongo arazorik eman eta orduan zegoen zerga berreskuratzea eskatzen dizuegu beste taldeen adostasunarekin.

5.EMENDAKINA

Gure taldetik, gehien kontsumitzen eta kutsatzen duten kotxeen jabeak zigortzera ez zaituztegu bultzatu nahi, baina hobariak emateko arrazoirik ez dugu ikusten eta hobari hori kotxe historikoei ematea eskatzen dugu soilik.

 

-Zaborraren tasan, oker batzuk zuzentzeko borondatea ere azaldu duzue, tabernek dituzten almazenetan eta ekoizle handiek industrialdeetan dituzten edukiontzietan adibidez, baina gure taldeak garrantzia handia ematen dio herritarra informatuta izateari eta gure herrian kobratzen denak informazioa ezkutatzera gehiago garamatza argitzera baino. Adibide bat jarriko dut, ea horrela denok ulertzeko errazagoa egiten dudan. Pentsa Azpeitiar bat Azkoitiar bati zuzentzen zaiola eta “hi!! Azpeitiyen zaborran tasie mordue ordaitzeiau. Zuek azkoitiyen zenbat?” galdetzen diola. Normalena momentuan erantzuna ez jakitea eta gero etxera iritsitakoan zaborraren faktura begiratzea litzateke eta hurrengo batean azpeitiarra berriro ikustean adibidez “Ba guk gutxtixo zuek baño” erantzutea. Azpeitiarraren datuak ez dakit nondik ateratakoak izango ziren, baina azkoitiarrarenak ez dira zuzenak. Hau da, azkoitiarrak faktura horretan jartzen duena baino gehiago ordaintzen du zaborra %20bat gehiago nahiz eta ordainketa hori beste zerga/tasa batzuetan kamuflaturik egon. Guk  ez dugu eskatzen herritarrari oroar zerga/tasa gehiago kobratzea, kobratzen denaren informazio argia ematea soilik eta hau bide bat izango litzateke.

Hau da, aurten ere urtero eskatzen dizueguna eskatzera gatozkizuela berriro ere, mesedez zaborraren tasa lehenbailehen zuzentzeko, gure taldeak behintzat herritarrei iruzurra egiten ari garen sentsazioa dugulako.

 

 

 

 

 

6.EMENDAKINA

Zaborraren tasa igotzea eskatzen dugu, bere estaldura ahal den neurrian %100era hurbilduz.

 

 

Beraz gure kalkuluen arabera:

-Etxebizitzen IBIan: -135.000€

-IBI industrialean: +13.000€

-Landa-lurretako IBIan: -2.000€

-Etxe hutsak: +80.000€

-Kotxe zaharrak: +15.000€

-Zaborraren tasa: +150.000€

120.000€ gehiago bilduko genituzke herrian behar gehien dutenei  eta adibidez zaborraren tasa ordaintzeko gai izango ez balira, hobariak/laguntzak emateko gizarte/ongizate saila indartuz.

 

 

3.- 2020 ekitaldirako Zubiaurre-Elkargunea Institutuko tarifen onespena.

Pasa den urteko erantzun berdin berdina emango dizuegu, KPI-aren igoera salbuetsita, oroar tasak berdin berdin jarraitzen dutelako.

Guk Zumba, Aerobik-Step, Gorputz tonifikazioa, GAP, Aquagim eta honelako beste jarduera batzuk Cicling edo pilatesen prezioekin  alderatuz askoz ere  merkeago zirela ohartu ondoren, beste herriekin konparaketa bat egitea pentsatu genuen, Azpeitia, Zumaia, Elgoibar, Zarautz eta Tolosarekin hain zuzen ere eta konklusio batera iritsi ginen. Cicling eta pilates jardueretan prezio antzekoak ditugula, baina goian aipaturiko beste jardueretan (guk zumbarekin egin genuen konparaketa) askoz ere baxuagoa. Beraz, erabiltzaileak ez direnak, erabiltzaileak jarduera hauetan ordaintzen ez dutena ordaindu ez dezaten, %10eko igoera eskatzen dugu askoz ere baxuago dauden jardueretan eta hala eta guztiz ere gure prezioa batez bestekoa baino baxuagoa izango litzateke.

Ikusirik guk egin dugun lanketa hau ez duela beste inork egin eta beraz guri arrazoia eman edo kentzeko argudiorik ez dagoela, guk gurean jarraitu eta ezetz bozkatuko dugu.

Pasa den urtean, paper eta korreo elektroniko bidez, luzatu genizuen taula konparatiboa oraindik eskuan izango duzue, baina horrela ez balitz, ez dugu inongo arazorik  berriro ere denoi zabaltzeko.

 

 

4.- Kreditu gehigarrien bidez kredituak aldatzeko Azkoitiko Udaleko 2 zenbakidun espedientearen hasierako onespena.

Antolakuntzako azken batzordean legealdi plana burutzen ari zaretela informatu gaituzue. Berri honek asko poztu gaitu eta plan hau onartzean beste taldeok kontutan hartzen gaituzuela ikusiko bagenu, behar bada gure bozka aldatzeko posibilitatea aztertuko genuke, baina bitartean kontra bozkatuko dugu.

 

 

5.- EH Bildu udal taldeak aurkeztutako mozioa: klima aldaketaren aurka konpromiso zehatzak hartzeko mozioa.

Ondo dakizue guk horrelako mozioetan ez dugula sinesten eta beti bezala, udal batzordeetan lantzera gonbidatzen zaituztegula. Gaurko udal bilkura honetan ere, gure taldeak, aurretik batzordeetara eraman dugun gai bat ekarri du, asko kontsumitu eta kutsatzen duten kotxe zaharren hobariak kentzearena alegia. Tabernetan plastikozko basoekin sortzen den arazoa ekiditeko ere proposamena aurkeztu genuen Andramaxen aurretik eginiko bileran. Herriko barandila azpietan sareta gehiago jartzeko ere aurrekontuetan diru partida bat bideratzeko ahalegina egin genuen.

Gure jokamoldea hau da, urtean behin, eguna iristen denean, horrelako mozioak bozkatuz, ez dugulako aurrerapausorik ematen.

EAJ eta PSE alderdiek egin nahi dituzten aldaketen gain berriz, gure herrian eragin apurren bat izan lezaketen puntuak ezabatzen dituzte eta mozioa hitz antzuetara bideratzen dute.

Beraz beti bezala honelako mozioak aurkeztearen aurka azalduko gara.

 

6.- Batzorde informatzaileetako kideen aldaketaren berri ematea.

 

7.- Behin betiko onespenen berri ematea.

 

8.- Aurrekontuari buruzko informazioa.

 

9.- Galde-erreguak.

Azken udal bilkuran Floreagako igogailuaren inguruan  eztabaida sortu zen eta luzatzen ari zela oharturik momentuz  bukatutzat ematea iruditu zitzaidan onena, nahiz eta nire ustez arrazoia izan, jarraitu aurretik, nahiago nuelako eskuetan datu zehatz batzuk izatea.

Proiektua lizitaziora zergatik ez zen ateratzen galdetu ostean sortu zen eztabaida, gaur bozkatu dugun aktan gogorarazten du eta literalki horrela dio:

“…Jose Joakin Etxaniz jaunak lau batzorde pasa ondoren, bi

Antolakuntzakoak, eta bi Lurraldekoak, orain pleno batean azalpen hauek

ematen hastea harritzen duela esan du, batzordeetan azaltzea izango

litzatekeela normalena.

Bera zain zegoela eta notiziarik ez zuenez, eta informaziorik eman ez

ziotenez arduratu egin zela dio.

Ana Azkoitia andreak Jose Joakin Etxaniz jaunari zuzenduz galdetzeko

esan dio, galdetu duen bakoitzean erantzuna eman zaiola eta ateak irekita

dituztela. Egunerokotasunean pasatzen diren gai guztiak, espediente guztiak

ezin direla batzordeetara eraman.

Jose Joakin Etxaniz jaunak Floreagako atzerapena ez dela egunerokotasunaren gauza bat deritzo, hori baino askoz ere serioagoa dela.

Alkate Jk. batzorde bukaeratan galderak egiteko tartea izaten dela

adierazi du, eta zerrenda luzea izaten dela sarritan, Jose Joakin Etxaniz jaunak

ere eramaten dituela. Horrelako garrantzia ematen bazion eta erantzun horren

zain bazegoen batzordean galdetu behar zuela esan dio ondoren…”

 

Nik banekien batzorderen batean Floreagako igogailuaren lehentasuna aipatu nuela eta harrezkero luzatu diguten antolakuntzako akta batean garbi azaltzen da eta berriro ere bertan jartzen duena literalki irakurriko dizuet. Elkargunean Anaitasunak eskaturiko futbol zelai berria egiteko dirua ipintzea bozkatu behar zenean, nire erantzuna hauxe izan zen:

“…Gure lehentasuna Floreagako igogailua da…”

 

Beraz, nire ustez, gure taldearen kezka nahiko garbi azaldu genuela uste dut, zuek esan bezala batzordeetan esan beharrekoa aurretik esanda zegoela iruditzen zait eta behar bada okerra entzun behar zutenenen artean dagoela.

FacebookTwitterGoogle+

2019-07-24 Udal bilkura

Hemen doazkizue gure taldeak esan eta bozkatutakoak.

7. puntuan eztabaida sortu da eta osorik esandakoa entzun nahi izan ezkero, Maxixatzenen ikus/entzungai izango duzuela iruditzen zait.

1.- Aurreko bilkurako aktaren onespena, hala badagokio.

ADOS

 

2.- Azkoitiko Hirigune Historikoko Plan Bereziaren 3. aldaketaren behin behineko onespena.

Hemen egingo diren aldaketa denak zentzuzkoak dirudite, beraz gure aldeko bozka.

 

 

3.- Ohiko batzorde informatiboen bilkuren maiztasuna aldatzea.

Batzordean esan genuen bezala aldaketarekin erabat ados gaude, bai batzordeen eta bai gobernuan ez gaudenon talde antolakuntzan, hobeto moldatzeko aukera ematen duelako.

 

 

4.- Udaleko aurrekontua gauzatzeko Udal Arauaren aldaketaren hasierako onespena.

Legealdi berri honetako lehen udal bilkuran garbi utzi genituen gure iritziak. Liberatu gehiegi iruditzen zaizkigu, ordainsariak ere zer esanik ez, zeuen buruei soldata jartzerako orduan topeak erabiltzen dituzue eta beste ordainsarietan askoz ere txikiagoak edo  batezbestekoetan/median kokatzen zarete, gure ustez beste alderdienganako errespetu falta handia erakutsiz, beraz puntu honetan, lehengoarekin alderatuz erabat kontra.

 

 

5.- 2019ko uztailaren 1etik aurrerako eraginarekin udal langileen ordainsarien igoera onestea.

Ez dugu soldata igoeren aurrean esateko handirik, bizitza igotzen doan bezala, soldatak ere neurri berean igotzea bidezkoa iruditzen zaigu. Hori bai, enpresa pribatuan ere gobernuan zaudeten politikariok, ahal den neurrian, soldata eta lan baldintza duinak hobetzearen aldeko apustua egitea eskatuko genizueke, horretarako dugun garapen agentziaz baliatuz.

 

 

6.- 2019 ekitaldiko Azkoitiko Udaleko lanpostuen zerrenda eta plantillaren aldaketaren hasierako onespena.

Aurreko udal bilkuran esan genuen bezala, alkatearen idazkariaren kasuan orain lau urte esan genuena. Pasatzen den alkatea pasa, pertsona honetaz ez da inor kexatzen, beraz ez genuke lau urtean behin berdina esaten jardun beharrik izango behin betiko lanpostua emango bagenio.

Komunikazio arduradunaren lana berriz, udaleko barne komunikazioa, gardentasuna eta horrelako jarduerak betearazteko erabiltzen baziren, oztoporik ez geniola jarriko, baina batzordean esan bezala orain arteko lan berdina egiteko erabiliko duzuenez, kontra bozkatuko dugu. Behin eta berriz esan ohi dugu udal gobernuko taldearen esanetara eta alderdi horien propaganda egiteko erabiltzen dela eta orain gainera alkateak berak izendatutako pertsonarekin ez dugu uste ezer aldatuko denik, behar bada arazoa areagotu. Alkateari ahalmen hau emateak ere ez digu susmo onik ematen, komunikazio lana herritar denei begira egin beharko litzatekeelako eta erabaki hau printzipio hauen kontra doala iruditzen zaigulako.

Bestalde harriturik utzi ninduen EH Bildu alderdiak batzordean erabaki honen aurrean bere baiezkoa eman zuenean. Hauteskunde garaian, Maxixatzenek antolatu zuen elkarrizketan, argitalpenak eta prentsa zerbitzuarekin zer egitea pentsatzen zuten galdetu ondoren, dudarik gabe, kentzea zela beraien erabakia, erantzun zuen alderdi honetako hautagaiak. Alderdi honek, udaletxeko gobernuan zegoela kendu ez izanak ez zigun susmo onik ematen, baina oraingo baietzak, ni neu behintzat zeharo harriturik utzi nau eta baiezko honen zergatia jakin nahiko nuke.

Nahastu egin zirela eta ezetza bozkatu dute.

 

7.- Kreditu gehigarrien bidez kredituak aldatzeko Azkoitiko Udaleko 1 zenbakidun espedientearen hasierako onespena.

Hemen ere aurreko legealdiarekin alderatuz aldaketarik ez. Gobernu berria osatu aurretik, beste alderdiekin eztabaidatuz, datorren legealdirako aurreikusten diren proiektuen antolakuntza bideratzeko asmoa zenutela esan zeniguten eta hemen gaur aurkezten dituzuen kreditu gehigarriekin, guztiz kontrakoa adierazten duzue, beraz gobernua osatu aurretik eman nahi izan zeniguten konfiantza bat-batean galdu duzue eta orain arte bezala  aldaketarik sumatzen ez dugun bitartean kontra bozkatuko dugu eta gure posizio apaletik herritik sortzen diren eskariak lehenesten ahaleginduko gara, Floreagako igogailutik hasita.

 

 

8.- Kreditu gehigarrien bidez kredituak aldatzeko Zubiaurre-Elkargune Institutuko 1 zenbakidun espedientearen hasierako onespena.

Hau ere zeuek nahi eran erabakitako kreditu gehigarria denez gure ezetza.

 

 

9.- Batzorde informatzaileetako lehendakari, idazkari eta kideen berri ematea.

 

10.- Aurrekontuari buruzko informazioa.

 

11.- Galde-erreguak.

FacebookTwitterGoogle+

2019-06-26 Udal bilkura

1.- Aurreko bilkurako aktaren onespena, hala badagokio.

ADOS

2.- Udalbatza plenoen ohiko bilkuren maiztasuna erabakitzea.

ADOS

3.- Batzorde informatzaileen eraketa.

Puntu honetan ere aldaketa gutxi nabari dira. Beraz aurreko puntuko erantzun berdina.

4.- Batzorde informatzaileen osaketa.

Legealdi honetan, batzordeetan 2 kide gutxiago izanik, proportzioan, asistentzia hobetuko dugula espero dugu eta beraz kide kopuruarekin ados.

Aurreko legealdian batzorde irekiak eskatu genituen herritarrengan gardentasuna eta informazio hobea eskaintzeko eta datorren honetan ere berdina eskatu nahi dizuegu, nahi duen orok lehen eskuko eta bat-bateko informazioa jaso dezan.

Badirudi azken hau, EH Bilduk emendakin bezala aurkeztu nahi duela hurrengo puntuan, beraz, nahi baduzue, emendakina aurkeztu ondoren eman zuen iritzia, gurea garbi dagoela iruditzen zait.

5.- Batzorde Informatzaile iraunkorren ohiko bilkuren maiztasuna erabakitzea.

Aurretik egun eta ordu hauek erabakita izateak alderdi bakoitzaren antolakuntzan lagunduko duelakoan ados.

Dena den batzorde horietan erabakiren bat hartu beharko balitz, beti bezala aurretik beste batzorde bat izatea ezinbestekoa ikusten dugu, erabakia ez baita pertsonala, talde edo alderdiarena baizik. Beraz, kasu horietan, lehen batzordean informazioa aurkeztu, denok izan ditzakegun zalantzak argitu eta bigarrengo batzorde batean, oraindik sortu daitezkeen eztabaidak argitu ondoren, eman bozka.

6.- Udal korporazioaren ordezkarien izendapena egitea beste organo eta udalez kanpoko erakundeetan.

Ez dakigu, udal batzordeetan bezala, zergatik ez diren 7 kidekoak Zubiaurre eta San Jose fundazioak. Bestalde, alderdi bakoitzak hautatu ditzala bere kideak, horretan ez dugu eragozpenik ikusten.

7.- Dedikazioen erregimen ekonomikoa, beste hautatuen asistentziengatiko dietak eta talde politikoen diru-izendapenak erabakitzea.

 

  1. a) Dedikazioen erregimen ekonomikoa: Dagoeneko gure iritzia nahiko garbi azaldu dugu. Alkatearen soldata legeak markatzen duen topea baino %20a gutxiago, hau da 56.960€ eta beste zinegotziek alkateak baino %10 gutxiago 51.264€. Biak ala biak soldata duinak iruditzen zaizkigu eta dirudienez baita zuei ere, bi zinegotziren ordainsariak gureak baino baxuagoak aurreikusten baitituzue.

Bestalde, ez dakigu zer arrazoigatik kobratu behar lukeen alkateak legeak markatzen dituen topeak eta hirigintza eta oposizioko zinegotziek besteekin alderatuz hain gutxi, gainera tope hori 10.000 eta 20.000 biztanle dituzten herrien topeak direla eta Azkoitia 20.000 biztanletik oraindik urruti dagoela jakinik.

Bestalde erabateko arduraldia, hau da %100 liberazioa dutenen topea ere 5 pertsonetan finkatzen da eta ez zaigu logikoa iruditzen arduraldi partzialen kopuruak muga hori gainditzea.

Laburbilduta, liberazio kopurua eta bi kide ez beste denen ordainsariak gehiegizkoak iruditzen zaizkigu, beraz ez gaude ados.

 

EH Bilduren emendakina: Egia esan, gure taldea 2016 geroztik aldarrikatzen ari garen oposizioko liberatu hau hartzeak asko poztu gaituela, horrela herritar orok izango baitu udaletxean, udal gobernuarekin ez ezik, beste alderdiren batekin hitz egiteko edo elkartzeko aukera  une oro. Eta liberatu 1,2,3,edo 4 izateari ez diogu arazorik ikusten, denen baturak ez badu liberazio oso baten gastua  gainditzen.

 

  1. b) asistentziengatiko dietak: Badirudi legealdi berrian bi zinegotzi gutxiago izango garela, guk horrela ikusten dugu behintzat:

 

-EAJ_3

-EH Bildu_2

-PSE_1

-Azkoitia Bai_1

Hori horrela eta jakinik, azken finean, lan kopurua ez dela jaitsiko, bi zinegotzi horien ordainsariak, hemendik aurrera izango diren beste 7 zinegotzien artean banatzea aurreikusten dugu, batzordeei eman beharreko garrantzia emateko eta orain arteko asistentzia, ahal den heinean igotzeko.

– Batzordeetara asistentzia 45€ .

-Batzordeko lehendakariak  70€ , nahiz eta ardura gehiago duen, udaletxeko teknikoen laguntza handia izaten duelako.

Eta liberazioren bat dutenei kantitate berdina kendu bere hileko ordainsaritik, hutsegitea justifikatzen ez badute, liberaziorik ez dutenak ez baitute xemekorik kobratzen batzordeetara joaten ez badira, nahiz eta batzorde aurretik eginiko lana berdina izan. Hau da, ez zaigu normala iruditzen norbaitek bere eginkizun bat betetzen ez duenean, beteko balu bezala kobratzea, edozein lanetan eskatuko ligukeen justifikazioa aurkezten ez badu behintzat.

Plenoko ordainsaria berriz ondo dagoela iruditzen zaigu, hau da 70€, azkenean bertan ematen diren botoak duten ardura nolabait baloratu behar delako, hori bai, kasu honetan ere, liberatuekin batzordeetan esan duguna mantendu, hau da agertzen ez denari kantitate hau bere soldatatik deskontatu.

  1. c) talde politikoen diru-izendapenak: Zuek jarritako kantitateak ez zaizkigu oso gaizki daudenik iruditzen, baina ezin dugu ulertu nola ordainsari batzuetan topeak erabiltzen dituzuen eta kasu hauetan berriz orain dela 4 urteko batez bestekoak/mediak, gutxienez lau urte hauetan udaletxean egin diren igoera berdinak egitea proposatzen dugu eta esan bezala, batzuetan topeak eta besteetan erdi bidean dauden ordainsariak erabiltzearen zuen arrazoiak jakin nahi genituzke.

8.- Behin behineko lanpostuen kopuru, ezugarriak eta ordainsariak erabakitzea.

Alkatearen idazkariaren kasuan orain lau urte esan genuena. Pasatzen den alkatea pasa, pertsona honetaz ez da inor kexatzen, beraz ez genuke lau urtean behin berdina esaten jardun beharrik izango behin betiko lanpostua emango bagenio.

Komunikazio arduradunaren lana berriz, udaleko barne komunikazioa, gardentasuna eta horrelako jarduerak betearazteko erabiltzen bada, ez diogu oztoporik jarriko, baina beste kasu batzuetan bezala, udal gobernuaren propaganda egiteko erabiltzen bada kontra agertuko gara.

 

9.- Alkatetzaren ebazpenen berri ematea:

 

 

  • Alkate-ordeen izendapena.

 

  • Tokiko Gobernu batzarreko kideen izendapena.

 

10.- Udal talde politikoen eraketa eta haien bozeramaileen izendapenaren berri ematea

FacebookTwitterGoogle+