LIDL BERRIA

Dagoeneko jakingo duzue Azkoitiko 32. sektorean (Zumarragako biribilgune-Urrategibide hasieran)  Lidl berria eraikitzera doazela. Enkantea/subasta erraz irabazi zuen, 700.000€ pasatxotik atera zen eta 1.500.000€ baino gehiago ordaindu ditu eremu honetako lurrak erosteko.

Hori gutxi balitz, eremu hau urbanizatzeko ere dirua Lidl-ek jarri beharko du. Eremu horretan zer egingo zen aurretik jakitea komeni zela adierazi genion udal gobernuari, diruak bakarrik izan ez zezan erabakia hartzeko garrantzi dena. Hau da, diruak duen garrantzia ukatu gabe, zer eraikiko zen ere garrantzitsua zela iruditzen zitzaigun.

Dena den apusturik onena Lidl-ek egin du eta aurrera doa prozedura dena. Hurrengo pausua  urbanizazio lanak esleitzea izango da. Lan hauen arduraduna Azkoitiko udala izango da eta ea ez den Juin inguruan eraiki den DBH-ko eraikuntzan gertatua errepikatzen eta ea oraingo honetan, bertako langilea duintasunez tratatzen den. Horretarako obra esleitzerako orduan erabaki batzuk hartzea aurreikusten dugu, eta ez zitzaigun ondo irudituko, obra egingo duen enpresari, aurrekontuak eskatzen duena baino askoz gutxiago ordainduko bagenio, diru falta horren zati bat beti ere bertako langileak jasaten baitu. Beraz hemen eta orain proposatzen duguna, gero berandu gabiltzala esan ez dagigun, zera da, ehuneko zehatz batetik behera urbanizazio hori ez esleitzea, hau da adibidez %15a baino gehiago ez jaistea obraren aurrekontua eta pertsonaren onurarako diren beste klausula batzuk puntuatzea:

– Gipuzkoako hitzarmena errespetatzea.

– Herri/bailarako langile kopurua enpresan.

– Enpresaren berdintasun plana.

– Euskara ziurtagiria.

– Langileen kontratu mota: behin behineko/kontratu fijo kopurua.

– Enpresaren ingurumen plana.

– Eta beste hainbat eta hainbat.

Diruari bakarrik garrantzia eman beharrean, pertsonek ere hartu behar luketela iruditzen zaigulako.

FacebookTwitterGoogle+

LOKAL HUTSAK

NEGOZIO EDO ENPRESA BERRI BAT JARRI NAHI DUTENENTZAT HERRIKO LOKAL KOMERTZIAL HUTSAK ALOKATZEKO LAGUNTZA. BALDINTZAK:

. Negozio bideragarri baten proiektua izatea, honako jarduerekin lotutakoa:

-Txikizkako merkataritza.

-Pertsonei zuzendutako zerbitzu enpresak.

-Intereseko izan eta merkataritza aldetik inguru hori suspertzen laguntzeko koherentea izango den beste edozein, betiere merkataritza-jarduera baldin badago.

. Zerga-betebeharrak eta Gizarte Segurantzarekikoak beteta izatea.

. Programa honetan parte hartzeko eskaera-imprimakia aurkeztua izatea.

. Honako dokumentu hauek atxikitzea: sustatzailearen curriculuma eta jardueraren memeoria-proiektua (Iraurgi lantzenek bere laguntza eskeintzen du)

. Udalaren diru-laguntzak hiru urteko iraupena izango du, eta honakoa izango da zenbatekoa:

-Aurreneko urtean: Alokairuaren %75a, gehienez hilean 300€.

-Bigarren urtean: Alokairuaren %50a, gehienez hilean 250€.

-Hirugarren urtean: Alokairuaren %725a, gehienez hilean 125€.

INFORMAZIO GEHIAGO:

Udaleko merkataritza sailean (kultura) 943 85 71 70.

Ekainaren bigarren astetik hasi eta hilabeteko epean.

 

FacebookTwitterGoogle+

AGI-a badoa.

Pasa den 2016/05/30 eko udal bilkuran 11. puntuan AGI-a eztabaidatzen zen eta honela zioen:

11.- EH Bildu eta EAJ-PNV udal taldeek diru sarrerak bermatzeko laguntzaren inguruan aurkeztutako mozioak.

Ez pentsa mozio biak berdinak zirenik, nola ba, hau kalean, pil pilean dagoen gai bat da eta ezinezkoa da berdina pentsatzea.

EH Bildu, AGI-a (Diru sarrerak Bermatzeko Laguntza- DBL) kendu ez zezaten ahaleginak egitera zetozen eta baita RGI-DBE-a kobratzeko erroldatze denbora hiru urtetik urtebetera pasa zedin eskatzera ere.

EAJ-PNV berriz, laguntza hau kentzeko arrazoiak ematera, AGI-DBL-aren onuradunak gizarteratzen ez duela lagundu izan, ahultasun egoeratik irten eta biziproiektu bat garatzeko tresnarik ez duelako eskaintzen adierazi ziguten.

Baina batipat guk gure erantzuna azaldu nahi genizueke, eta bientzat berdina izan zen:

Krisia badoala esan eta esan ari dira, baina momentuz hitz hutsetan gelditu zaigu, badirudi aingura bota duela. Beraz murrizketa sozialak egiteko ez dela momentu egokia iruditzen zaigu. Diru sarrerak Bermatzeko laguntza, denok AGI bezala ezagutzen duguna kentzear dira, batzuen ustez funtzionatzen ez duelako. RGIan ere erroldatze data 2011an aldatu zen. Nik ez dut asko ulertzen baina ez dut uste 3 urte erroldatuta badago urtebete egon beharrean, laguntzak hobeto funtzionatuko dionik, hau da, ez dut ulertzen zerikusi duen erroldatze datak familia batek duen beharrarekin.

Bromak aparte, gai oso serioa baita, uste dut denok ados gaudela laguntzak beren herrietan jasotzen badituzte hobeto funtzionatzen dutela. Orduan 2016ko aurrekontuetan zergatik jaitsi dira ia %30a garapen  bidean dauden herrialdeekin lankidetzarako dirulaguntzak? Eta guk igotzea proposatu genuenean zergatik ez zen beste talderik gehitu?Aniztasun arloko ekintzetan ere diru gehiago jarri beharko litzatekeela ere eskatu genuen eta ez da demagogia, dena kalkulu orriekin justifikatua zegoen. Beraz mozio hauek egin behar badituzue egin, baina gero gure esku dagoenean ez egin atzera eta mozioetan esandakoarekin izan kontsekuenteago. Guk horrelako mozioen aurrean beti bezala abstentzioa.

Badakizue gure taldea batipat Azkoitiko arazoak kezkatzen gaituela eta hemendik kanpoko mozioekin ez dugula denbora asko galtzen.

FacebookTwitterGoogle+

HERRIARI AHOA TAPATU II

2016-05-30eko udal bilkurako alkate jaunaren hitza moztearen arazoarekin gatozkizue berriro. Ez dugu gaia indarberritu nahi eta konbentzituta gaude une zehatz bateko hanka sartzea izan zela eta ez zela besteoi kalte egiteko asmotan izan. Dena den, eta aurrera begira oztopo gehiago ez jartzeko asmoz, udalean indarrean dagoen araua argitzeko eskatu genion idazkariari, berriro ere, ahal bada, horrelakorik gertatu ez dadin eta denok izan dezagun prozeduraren berri. Guk jaso genuen erantzuna honako hau izan zen:

Udal bilkurako puntu bakoitzari erantzun edo azalpenak emateko lehen txandan 5min.ko tartea dago eta bigarren txanda bat egongo balitz 2min.koa.

FacebookTwitterGoogle+

HERRIARI AHOA TAPATU

Udal bilkura:

Data: 2016-05-30

9.- PSE-EE udal taldeak aurkeztutako mozioa, etxebizitza duin eta egokia legez okupatzeko aukera izateko eskubide subjektiboari eta etxebizitzarako prestazio ekonomiko berriari buruzko arauzko garapenari lotuta.

Hau zen jorratzen ari ginen gaia (udal bilkurako 9.puntua). Gure ustez garrantzi handikoa eta gure ikuspuntua garbi azaldu nahi genuena. Lehenengo erantzun txanda zen eta bi minutu eta erdi (2´30”) hitz egin ondoren herriko alkate jaunak moztu egin gintuen. Errespetu falta handia izan zela iruditzen zaigu. Ez dugu uste udal bilkuretan azken urteetan horrelakorik gertatu denik. Herriari ez hitz egiten uztearen pareko akatsa dela deritzogu.

Gehiengo osotik botere absolutura dagoen marra zeharkatzen hasi zarete dagoeneko eta mesedez azkoitiarron umiltasuna ez ahazteko eskatu nahi genizueke. Dena den gaurko mundu honetan komunikazio sare zabala dago eta ezingo diguzue horren erraz ahoa tapatu, beraz herritarrei jakinaraziko diegu gure blogean alkateak isilarazi nahi zuena. Hona irakurri nahi duenarentzat testu osoa:

Oso ondo ikusten dugu baliabide ekonomikoak ez dituzten pertsonei etxebizitza duin eta egokia, modu egonkorrean, legez okupatzeko eskubidea bermatzea. Baina badakizue gure taldea batipat Azkoitiko arazoak kezkatzen gaituela eta hemendik kanpoko mozioekin ez dugula denbora asko galtzen. Beste irudipen bat ere badugu: Badirudi herritik kanporako besteen arazoak konpontzeko abilezia denok dugula eta gero etxekoak landu behar direnean ez dugula neurri berdina erabiltzen.

Herriko gaietara etorriz, etxe hutsen kontua dela eta, gezurra badirudi ere, pare parean hitz batzuk prestatuta genituen. Pasa den hileko udal bilkuran, hau da,Apirilaren 27koan, erabakiak hartzeko orduan, beste taldekoekin ez zenutela asko kontatzen esan genion  udal gobernuari. Batzordeetara guk nahi genituen gaiak aurkeztu, eztabaidatu eta bozkatzeko aukera hor genuela erantzun zeniguten. Gu jarrera horrek pozten gaitu, baina ikusiko dugu norainoko ibilbidea duen.

Laburpen hau egin ondoren, gure ustez  aldeko gehiengo garbia aurreikusten dugun gai batekin gatozkizue. Dagoeneko urtebete pasa den legealdi honetan, 2016rako zergak finkatzerako orduan, gu 2015eko etxebizitza hutsen zerga mantentzearen alde azaldu ginen, baina zuek beste informazioren bat medio, denbora gutxi barru beste erakunde batetik kobratuko zutela adierazi zeniguten. 2016 urte honetako bost hilabete pasa dira eta ez dugu berri hori inon entzun (azken egunotan Bizkaian zerbait), beraz ez du beste inork kobratu. Gu, ahal bada, Ekainaren bukaeran erdia kobratzearen aldekoak gara eta orain ezinezkoa balitz, denon artean urte bukaeran kobratzea adostu beharko genuke.

Zerga hau alokatuta dauden etxeei ez zaie kobratzen, ez eta alokagai daudenei ere, beraz bere etxebizitzari etekinik atera nahi ez dionak ez dugu uste zerga ordaintzeko arazorik izango duenik eta izango balu aztertuko genuke.

Hurrengo galdera diru hau zertan erabili izan behar luke. Batzordeetan etxe hutsak alokairu sozialera bideratzeko diru-laguntzak nola doazen galdetu dugu eta oraindik erantzunaren zain gaude2min. 30seg. alkateak hitza kendu zigun unea. Hemendik aurrera datorrena esan nahi eta utzi ez zigutena:

, beraz ez dakigu eskaintza horien arabera diru gehiago beharko den edo ez. Gu badakizue parte hartzearen defendatzaile finak garela eta egokiena herritarrei ekarpenak eskatzea eta gero gehien bozkatua dena aukeratzea proposatzen dugu.

Dena den, aurreko udal bilkuran esan zeniguten bezala, batzordeetan hitz egin eta ea noraino iristen garen, ikusten den bezala lanerako prest baikaude eta talde bezala oraindik etsipena urruti ikusten dugulako, gure ekarpenak egiten jarraituko dugu. Eta mozio honetan abstenitu egingo gara.

FacebookTwitterGoogle+

URREZKO ALDAMIOAK

Bai, Nagusia 80ko, eliz atariko aldamioak urrearen prezioan ordaindu ditugu.

Dena den, Azkoitiarron kezkarik handiena izan da eta oraindik hala da.

Hauteskundeetan esan genuen legealdi honetan eraikin hori, ondo ordaindu eta gero, denona izan behar lukeela. Gu, hauteskundeak irabazi edo ez, prest azaldu ginen  arazo hori, naiz elkarlanean, naiz gure esku utzita, konpontzeko, eta badirudi elkarlan horrek eta denon artean jarritako borondate onak bere fruituak dakartzala. Eraikin horretan etxebizitza tutelatu, koworking gune bat, zaharrentzat txoko bat,…horrelako zerbait egitea aurreikusten genuen eta badirudi egun hori gero eta hurbilago dagoela eta azkenean babestutako etxebizitzak eta zaharren elkartea eraikitzeko gai izango garela. Eta honekin elkarlanera animatu nahi nituzke alderdi denak, helburu berdina dugunean, denon artean eginiko  lanarekin helburu horietara iristeko kapaz  garela ikusten baita. Ea zaborraren gaiarekin ere adostasunera iristeko kapaz garen!!!

FacebookTwitterGoogle+

EMANZIPATU?

GAZTEEK ETXEBIZITZAK ALOKATZEKO DIRU LAGUNTZAK:

BALDINTZAK:

– 18-35 urte bitartean izan eta jabetzan etxebizitzarik ez edukitzea.

– Diru-laguntza jasoko duen etxebizitzan erroldatuta egotea.

-Etxe horretako pertsona bat , eskaera egiten duen unean, gutxienez 3 urteko antzinatasunarekin Azkoitian erroldatuta egotea, edo bestela, aurretik, beste nozbait, etenik gabe 5 urtez udalerrian erroldatuta egon izana.

– Diru laguntzen zenbatekoa errentaren arabera finkatuko da; Alde Zaharrean dauden etxeak errentan hartzen dituztenek eta %65eko ezgaitasuna duten gazteek laguntza handiagoa izango dute (50 euro gehiagokoa).

Diru laguntzen taula, bizikidetza unitatea
pertsona bakarrak osatzen duenean:
Diru sarrerak eurotan/ Diru laguntzaren % /Gehienezko diru-laguntza
25.000,01 eta 27.000,00 € bitartean / %15  /75 €
23.000,01 eta 25.000,00 € bitartean/  %20  /100 €
21.000,01 eta 23.000,00 € bitartean / %30  /150 €
19.000,01 eta 21.000,00 € bitartean/  %40  /200 €
19.000,00 € arte/  %50  /250 €

Diru laguntzen taula, bizikidetza unitatea bi
pertsona edo gehiagok osatzen duenean:
Diru sarrerak eurotan /Diru laguntzaren %/ Gehienezko diru-laguntza
25.000,01eta 27.000,00 € bitartean/  %15 / 75 €
23.000,01eta 25.000,00 € bitartean / %20  /100 €
21.000,01eta 23.000,00 € bitartean/  %30  /150 €
19.000,01eta 21.000,00 € bitartean/ %40 / 200 €
19.000,00 € arte/  %50  /250 €

Laguntzak ekainaren 1era bitartean eskatu behar dira, Udaleko Harrera bulegoan

Informazio gehiago: Azkoitia Lantzen. 943 85 71 51

FacebookTwitterGoogle+

AZKOITIA KONTZERTURIK GABE

Azkoitiarren artean “gehiago kontzerturik ez dela egongo” zabaldu da, batik bat Whatsappez.

Gure galderak egin ondoren, udaletxean talde bat eratu dela erantzun digute.

Taldearen osaketa:

– Udaleko idazkaria

– Udaleko teknikariak

– Udaltzaingoa

Talde honen eginkizuna:

Kontzertuak arautuko dituen idatzi bat prestatu.

Eta gero zer?

Tabernariei erakutsi eta ahal bada zerbait adostu. Beste taldeoi ere erakutsiko digutela espero dugu, gure iritzia eta ekarpenak entzun ditzaten.

Baina guk herritarrei galdera batzuk egin nahi dizkiogu: Aspaldian tabernariak antolatzen dituzte, baina…

  1. Zenbat kontzertu jarri behar dira?
  2. Hurrengo goizeko aparteko lanak nork ordaindu behar ditu?
    • Udalak? Hau da, denok?
    • Antolatu duenak?
    • Antolatu duenak finko bat eta gehiago bada udalak?
  3. Nola jakin aparteko lanak diren edo ez?
    • Boteloiak egiten diren tokiak garbitzea?
    • Txixa usaina kentzeko lanak?
    • Udal altzairuen txikizioak konpontzea?
  4. Tabernetan erretzea debekatuta dago. Nola eragotzi?

 

Garbi dago lan erraza ez dela eta beste hainbat galdera egin ditzakegula, baina galdera batzuk egin beharrik ere ez genuke izango denok, gure partetik zerbait jarriko bagenu.

FacebookTwitterGoogle+

AZKOITIA 2016KO EUROPAKO FESTA HERRIBURUA

2016an DSS2016 Europako Hiriburu Kulturala den bezala, Azkoitia ez da atzera gelditzen herri bezala.

Herrian hainbat ekintza kultural interesgarri egiten diren arren, azken boladan bailarako parranda gune bihurtu zaigu, horrek dakartzan alde on eta txarrekin.

Zorionez herriko gazteek ez daukate kanpora atera beharrik, horrek izaten dituen arrisku eta kezkak ekidituz. Herriko hainbat tabernen diru sarrerak hobera egin dute, aurreko urteetan jasan duten lehorteari amaiera emanez.

Baina kontrako eragina izan duten beste faktore batzuk ere ikusten ditugu: jai goizero herriko erdiguneak erakusten duen itxura negargarria da (txixa usain eta zikinkeria), herriko altzarien puskaketa, tabernetan erretzeko debekua ez betetzea…

Azkoitia Magalluf berria bihurtu ez dadin, hobe genuke denon artean aurrez neurriak hartzea.

Azkoitia Bai horretarako prest.

FacebookTwitterGoogle+