ZABORRA (sistema aldaketa)

Denok jakin dezazuen gure taldeak duen iritzia zaborra biltzeko sistema aldaketaren gain, hemen uzten dizuet azken udal bilkuran gai honi buruz esan genuena:

Data: 2016-06-21

Udal bilkura

3.- Azkoitiko udalerrian hiri izaerako hondakinen bilketa-sistema aldaketaren onespena eta edukiontzien sistema orokorra jartzea.

Gure ikuspuntua ez da aldatu. Sistemari ez diogu aparteko garrantzirik ematen, baina bai birziklatzeari. %80ko buelta horretara iritsi ginen eta orain berriz nabarmen behera egin dugula diote datuek. Arrazoi asko bila ditzakegu:

-Orain zorrotzago begiratzen dela.

-Sistemak ez duela funtzionatzen.

-Herritarrak erlaxatu egin garela.

-Eta honelako beste hainbat.

Berriro ere %80ko buelta horretara heldu behar dugu (ez irizpen honetan jartzen den bezala %70era, denok 2014an hartu genuen erabakiaren arabera aurten %80-%85era iristea lortu behar baitugu), eta guri, esan bezala, zer sistema erabili ez zaigu axola eta batzordean ere sistema aldaketaren alde bozkatu dugu. Herritarrak orain artekoa gustukoa ez zutela erabaki zuten eta beraz aldatu beharrean aurkitzen gara, baina ez dugu ahaztu behar berriro ere %80a birziklatzera iritsi behar garela eta tasa jaitsiera horretan kalean sumatzen den arazorik handiena informazio falta dela. Orain errefusa txipik gabe jarriko da eta txintxilikarioak kendu. Guk behin eta berriz esan dugu orain %80ko tasa lortzen duen edozein sistemaren alde gaudela, eta arrazoi gehiagorekin herritarrak bozkatua izan bada. Beraz sistema aldatzearen alde bozkatu dugu, nahiz eta 5. edukiontzia txipik gabe izan, baina txintxilikarioak ez kentzeko eskatzera gatoz, gauzak doazen bezala ez baitakigu eta teknikariek ez baitute bermatzen, sistema aldaketa honekin, %80ra berriro iritsiko garenik. Txintxilikarioak kentzeko sistemarik onena birziklatzea da, lortu beharreko maila lortu eta denbora bat irauten duenean kenduko dira.

Hauteskunde kanpaina garaian, meskitarekin batera, kalean ez zegoen beste hitzik, txintxilikarioak, 5.edukiontzia, inposaketa…non dira garai hartako herri galdeketa, plataforma eta talde eraginkor haiek? Behin bozka jaso eta gero dena isildu da. Nabarmen gelditu dena legealdiko lehen urte honetan hori da, jendearengana iristeko esfortzua beraien bozka behar badugu egiten dela. Pasa den legealditik hasita gai hau zeharo politizatuta dago, eta herriaren onurari garrantzia eman beharrean, hau da birziklatzeari, herriko alderdi politikoen lehiaketa bat dela dirudi eta azken 3-4 urtetan elkarri oztopoak jarri besterik ez dute egin.

Azken egunotan, gai honetaz, kaleko kexarik entzunena informazioa falta dela da, eta birziklatzeak behera egin izanaren arazoetariko bat horixe dela deritzogu. Hauxe gertatzen ari zaigun paradoxa: ia %80ko birziklatze tasara iritsi ginenean herriko arazo larriena zaborra zen eta orain tasa hori hainbeste jaitsi den unean badirudi ez dagoela arazorik.

Beraz %80ko tasa lortu dezagun aurten bertan, inork bere etxe ondoan nahi ez lukeen errauskailuari ezetza emateko, eta eragozteko gauza izango ez bagina, gutxienez ahalik eta txikiena eraikitzeko.

Beraz gure taldeak, nahiz eta bidean oker batzuk ikusi eta salatu, lehenbailehen birziklatzen hasteko, ez dugu kontra bozkatuko eta abstenitu egingo gara.

FacebookTwitterGoogle+

MATXISMOA

Astearte arratsaldean, 2016-06-21ean udal bilkura izan genuen eta gure taldeak literalki honako hau esan zuen hamargarren eta azken puntuan:

 

“10.- Galde-erreguak.

 

– Lehendabizi berriro ere salatu indarkeria matxistaren beste biktima bat. Oraingoa Gasteizen. Bihar beti bezala herriko plazan elkarretaratzea egingo dela suposatzen da, baina udaletik ere indarkeri honen aurrean zerbait egiten hasi behar dugula uste dugu.

Adibidez, ea beste taldeok zer diozuen, udal bilkura denetan gogoratu ditzakegu hilabete horretan, indarkeria matxistaren bidez, Gipuzkoan edo Euskal Autonomi Erkidegoan, erailak izan diren emakumeak eta minutu bateko isilunea egin, hilabete horretan hildakorik bada, eta egon ez bada ere, albiste pozgarri hori gogoratu horrela jarraitu dezan.”

 

Hurrengo egunean, hau da, atzo, udalak beste hau argitaratu zuen Maxixatzenen:

“Udalak Gasteizko eta Angeluko erasoak irmoki gaitzetsi ditu”

http://maxixatzen.eus/azkoitia/1466587451905

 

Udalak egin duen pausu txiki hau, guk esan genuenagatik izan dela pentsatzea, behar bada, gure burua gehiegi goraipatzea litzateke. Dena den, asko pozten gaituen pausu bat da eta hemendik animatu pausu gehiago ematen jarraitu dezan, pausuka pausuka, antxintxike egiten hasteko arriskua baitago eta behar bada, gizonengandik ihes egin beharrean, matxistak harrapatzeko gai izango baikara.

Beraz, udalari kasu eginez (ondo esanak ondo hartu), ea gaur 2016ko Ekainaren 23an arratsaldeko 19:00tan herriko plaza bete eta zentzu gabeko indarkeria honi aurre egiteko kapaz garen. ANIMATU!!!

FacebookTwitterGoogle+

PARTE HARTZEA????

Benetan lotsagarria parte hartzean Maxixatzenen azaldu den argazkia. Udaleko teknikariak egotea ondo iruditzen zaigu, hauek ere herrira zabaldu behar baitute, baina gainerakoak lotsatu egin beharko lukete.

Hauxe da datorkigun parte hartzea, beraiek, bere jendearekin eta beraientzat egingo duten parte hartzea. Eta oraindik independenteak direla esaten jarraituko dute. Haserrea eta tristura biek batera etorri zitzaizkigun argazki hau ikusi eta gero, pena da.

http://maxixatzen.eus/azkoitia/1465900132668

 

FacebookTwitterGoogle+

LIXIBIATUAK VS BERNARDO ECENARRO S.A.

Zer arrazoi zuten 80-90 hamarkadako gazte haiek.

Bai, Oñederren aurkako plataformagatik ari naiz, gazte haiek beste inork baino hobeto aurreikusi baitzuten gertatuko zena.

Lixibiatuen gaia oso korapilotsua da denontzat. Diru kopurua ere potola. Beraz uste dugu herritarrak prozedura guztia nola izan den jakiteko eskubidea dutela, eta ahal den neurrian alderdien artean dauden eztabaidak eragozteko ere balio behar luke. Orain udaletik hurrengo urtetarako lixibiatuek ekarriko dizkigun gastuak ordaintzeko diru kantitate bat gordetzea eskatu da. Nik dakidala Azkoitiko udalak dirua egiteko makinarik ez du, beraz, diru hori beste gauza batzuetarako erabili beharrean, hurrengo urteetako lixibiatu jarioa garbitzeko erabili beharko dugu.Garbiketa hauek egiteko diru mordoxka erabili beharko dugula aurreikusten da, eta badaezpada ere aurretik gordetzea (gero buelta eman ezineko zuloa egon ez dadin) begi onez ikusten dugu, baina lehen esan bezala herritarrak prozedura dena nola joan den argi eta garbi jakin behar luketela iruditzen zaigu eta horretarako ahalegin txiki bat eskatu genion udal gobernuari 2016-05-30eko udal bilkuran.

Oraingo honetan ere ez dugu uste kasu haundirik egingo digunik eta gure apaltasunean ea zerbait argitzen dizuegun.

80-90 hamarkadetan altzairu fabriketako hautsarekin zer egin ez zekitela eta beste toki askotan bezela, Oñartxo baserrian  zegoen lursailean botatzen hasi ziren. Hori bai, aurretik tratatu, tela bat jarri lurrean,… eta beste segurtasun neurri batzuk harturik. Baina ikusi denez neurri hauek ez ziren nahiko izan eta produktu toxikoen jarioa hasi zitzaigun. Jario hori gelditu behar denik ez dut uste inork zalantzarik duenik, baina nork ordaindu jario hori gelditzeko hartu behar diren neurriak? 80-90 hamarkadetan sinatu zen kontratuan ez zegoen dudarik, baina 2007-2008 urteen bueltan sinatu zenak (EAJ/PNV taldeko alkate zenak) zalantzak utzi zituen. Ordura arte garbi zegoen kutsaduraren bat gertatzen bazen, enpresak ordaindu beharko zukeela garbiketa dena, baina bigarren kontratu horretan 500.000€ko kopuru bat azaldu zen eta enpresak horri eutsi zion, gehienez ere kopuru hori ordaintzeko eta ez gehiago. Udaletxetik beti esan izan da enpresak ordainduko zuela garbiketaren kostu dena.

Epaitegietan urte batzuk pasa ondoren azken sententzia atera da dagoeneko eta Azkoitiko udalak ordaindu beharko ditu (500.000€tik gorakoak) eremu hori garbitzeko egin beharko diren lanak. Hasieran esan bezala 100.000€ gorde beharko ditugu urtero lan hauei aurre egiteko eta dirudienez urte askotan. Batzuek 30miloi euro gastatu beharko direla eta besteek ez da gutxiagorik ere. Guk uste dugu inork ez dakiela kopurua zenbatekoa izango den, baina garbi dagoena zera da, hanka sartze handia egin zela bigarren kontratu hori sinatzeko orduan.

Azken egunetan entzun ditugun adierazpenei buruz ere badugu esatekorik:

Badirudi BERNARDO ECENARRO SA enpresa eraikitzeak onura asko ekarri dituela azkoitiarrontzat, eta altzairu hauts horiekin bete izan ez bagenu lursail hori, enpresa hau ezin izango litzatekeela eraiki bertan. Ba esan behar gauza batek ez duela bestearekin zerikusirik eta bigarren kontratu sinatze horretan egin zen hanka sartzea hor dagoela. Beraz hasera bateko kontratua aldatu ez balitz, hau da bapatean 500.000€ko kopuru hori azaldu ez balitz, BERNARDO ECENARRO SA enpresa berdin berdin eraikiko zuten eta azkoitiarrok  ez genuke ordaindu beharko eremu hori garbitzeagatik ordaindu beharko dugun diru kopurua.

Baita esan behar, lursail hori dena ondo garbitu arte, urteak pasako dira, BERNARDO ECENARRO SA enpresak ez duela lur horien erosketa ordainduko.

Eta hauxe da, lehen esan bezala gure apaltasunean argitu dezakeguna, beti bezala herritarrei ezer ezkutatu gabe, eta berriro ere eskatu, gai honen bueltan parte hartu duten protagonistei, zerbait gehiago argitzeko gauza balira, herritarrari duten informazioa zabaldu diezaiotela, sortutako liskarrak eragozteko asmoz.

FacebookTwitterGoogle+

LIDL BERRIA

Dagoeneko jakingo duzue Azkoitiko 32. sektorean (Zumarragako biribilgune-Urrategibide hasieran)  Lidl berria eraikitzera doazela. Enkantea/subasta erraz irabazi zuen, 700.000€ pasatxotik atera zen eta 1.500.000€ baino gehiago ordaindu ditu eremu honetako lurrak erosteko.

Hori gutxi balitz, eremu hau urbanizatzeko ere dirua Lidl-ek jarri beharko du. Eremu horretan zer egingo zen aurretik jakitea komeni zela adierazi genion udal gobernuari, diruak bakarrik izan ez zezan erabakia hartzeko garrantzi dena. Hau da, diruak duen garrantzia ukatu gabe, zer eraikiko zen ere garrantzitsua zela iruditzen zitzaigun.

Dena den apusturik onena Lidl-ek egin du eta aurrera doa prozedura dena. Hurrengo pausua  urbanizazio lanak esleitzea izango da. Lan hauen arduraduna Azkoitiko udala izango da eta ea ez den Juin inguruan eraiki den DBH-ko eraikuntzan gertatua errepikatzen eta ea oraingo honetan, bertako langilea duintasunez tratatzen den. Horretarako obra esleitzerako orduan erabaki batzuk hartzea aurreikusten dugu, eta ez zitzaigun ondo irudituko, obra egingo duen enpresari, aurrekontuak eskatzen duena baino askoz gutxiago ordainduko bagenio, diru falta horren zati bat beti ere bertako langileak jasaten baitu. Beraz hemen eta orain proposatzen duguna, gero berandu gabiltzala esan ez dagigun, zera da, ehuneko zehatz batetik behera urbanizazio hori ez esleitzea, hau da adibidez %15a baino gehiago ez jaistea obraren aurrekontua eta pertsonaren onurarako diren beste klausula batzuk puntuatzea:

– Gipuzkoako hitzarmena errespetatzea.

– Herri/bailarako langile kopurua enpresan.

– Enpresaren berdintasun plana.

– Euskara ziurtagiria.

– Langileen kontratu mota: behin behineko/kontratu fijo kopurua.

– Enpresaren ingurumen plana.

– Eta beste hainbat eta hainbat.

Diruari bakarrik garrantzia eman beharrean, pertsonek ere hartu behar luketela iruditzen zaigulako.

FacebookTwitterGoogle+

LOKAL HUTSAK

NEGOZIO EDO ENPRESA BERRI BAT JARRI NAHI DUTENENTZAT HERRIKO LOKAL KOMERTZIAL HUTSAK ALOKATZEKO LAGUNTZA. BALDINTZAK:

. Negozio bideragarri baten proiektua izatea, honako jarduerekin lotutakoa:

-Txikizkako merkataritza.

-Pertsonei zuzendutako zerbitzu enpresak.

-Intereseko izan eta merkataritza aldetik inguru hori suspertzen laguntzeko koherentea izango den beste edozein, betiere merkataritza-jarduera baldin badago.

. Zerga-betebeharrak eta Gizarte Segurantzarekikoak beteta izatea.

. Programa honetan parte hartzeko eskaera-imprimakia aurkeztua izatea.

. Honako dokumentu hauek atxikitzea: sustatzailearen curriculuma eta jardueraren memeoria-proiektua (Iraurgi lantzenek bere laguntza eskeintzen du)

. Udalaren diru-laguntzak hiru urteko iraupena izango du, eta honakoa izango da zenbatekoa:

-Aurreneko urtean: Alokairuaren %75a, gehienez hilean 300€.

-Bigarren urtean: Alokairuaren %50a, gehienez hilean 250€.

-Hirugarren urtean: Alokairuaren %725a, gehienez hilean 125€.

INFORMAZIO GEHIAGO:

Udaleko merkataritza sailean (kultura) 943 85 71 70.

Ekainaren bigarren astetik hasi eta hilabeteko epean.

 

FacebookTwitterGoogle+

AGI-a badoa.

Pasa den 2016/05/30 eko udal bilkuran 11. puntuan AGI-a eztabaidatzen zen eta honela zioen:

11.- EH Bildu eta EAJ-PNV udal taldeek diru sarrerak bermatzeko laguntzaren inguruan aurkeztutako mozioak.

Ez pentsa mozio biak berdinak zirenik, nola ba, hau kalean, pil pilean dagoen gai bat da eta ezinezkoa da berdina pentsatzea.

EH Bildu, AGI-a (Diru sarrerak Bermatzeko Laguntza- DBL) kendu ez zezaten ahaleginak egitera zetozen eta baita RGI-DBE-a kobratzeko erroldatze denbora hiru urtetik urtebetera pasa zedin eskatzera ere.

EAJ-PNV berriz, laguntza hau kentzeko arrazoiak ematera, AGI-DBL-aren onuradunak gizarteratzen ez duela lagundu izan, ahultasun egoeratik irten eta biziproiektu bat garatzeko tresnarik ez duelako eskaintzen adierazi ziguten.

Baina batipat guk gure erantzuna azaldu nahi genizueke, eta bientzat berdina izan zen:

Krisia badoala esan eta esan ari dira, baina momentuz hitz hutsetan gelditu zaigu, badirudi aingura bota duela. Beraz murrizketa sozialak egiteko ez dela momentu egokia iruditzen zaigu. Diru sarrerak Bermatzeko laguntza, denok AGI bezala ezagutzen duguna kentzear dira, batzuen ustez funtzionatzen ez duelako. RGIan ere erroldatze data 2011an aldatu zen. Nik ez dut asko ulertzen baina ez dut uste 3 urte erroldatuta badago urtebete egon beharrean, laguntzak hobeto funtzionatuko dionik, hau da, ez dut ulertzen zerikusi duen erroldatze datak familia batek duen beharrarekin.

Bromak aparte, gai oso serioa baita, uste dut denok ados gaudela laguntzak beren herrietan jasotzen badituzte hobeto funtzionatzen dutela. Orduan 2016ko aurrekontuetan zergatik jaitsi dira ia %30a garapen  bidean dauden herrialdeekin lankidetzarako dirulaguntzak? Eta guk igotzea proposatu genuenean zergatik ez zen beste talderik gehitu?Aniztasun arloko ekintzetan ere diru gehiago jarri beharko litzatekeela ere eskatu genuen eta ez da demagogia, dena kalkulu orriekin justifikatua zegoen. Beraz mozio hauek egin behar badituzue egin, baina gero gure esku dagoenean ez egin atzera eta mozioetan esandakoarekin izan kontsekuenteago. Guk horrelako mozioen aurrean beti bezala abstentzioa.

Badakizue gure taldea batipat Azkoitiko arazoak kezkatzen gaituela eta hemendik kanpoko mozioekin ez dugula denbora asko galtzen.

FacebookTwitterGoogle+

HERRIARI AHOA TAPATU II

2016-05-30eko udal bilkurako alkate jaunaren hitza moztearen arazoarekin gatozkizue berriro. Ez dugu gaia indarberritu nahi eta konbentzituta gaude une zehatz bateko hanka sartzea izan zela eta ez zela besteoi kalte egiteko asmotan izan. Dena den, eta aurrera begira oztopo gehiago ez jartzeko asmoz, udalean indarrean dagoen araua argitzeko eskatu genion idazkariari, berriro ere, ahal bada, horrelakorik gertatu ez dadin eta denok izan dezagun prozeduraren berri. Guk jaso genuen erantzuna honako hau izan zen:

Udal bilkurako puntu bakoitzari erantzun edo azalpenak emateko lehen txandan 5min.ko tartea dago eta bigarren txanda bat egongo balitz 2min.koa.

FacebookTwitterGoogle+

HERRIARI AHOA TAPATU

Udal bilkura:

Data: 2016-05-30

9.- PSE-EE udal taldeak aurkeztutako mozioa, etxebizitza duin eta egokia legez okupatzeko aukera izateko eskubide subjektiboari eta etxebizitzarako prestazio ekonomiko berriari buruzko arauzko garapenari lotuta.

Hau zen jorratzen ari ginen gaia (udal bilkurako 9.puntua). Gure ustez garrantzi handikoa eta gure ikuspuntua garbi azaldu nahi genuena. Lehenengo erantzun txanda zen eta bi minutu eta erdi (2´30”) hitz egin ondoren herriko alkate jaunak moztu egin gintuen. Errespetu falta handia izan zela iruditzen zaigu. Ez dugu uste udal bilkuretan azken urteetan horrelakorik gertatu denik. Herriari ez hitz egiten uztearen pareko akatsa dela deritzogu.

Gehiengo osotik botere absolutura dagoen marra zeharkatzen hasi zarete dagoeneko eta mesedez azkoitiarron umiltasuna ez ahazteko eskatu nahi genizueke. Dena den gaurko mundu honetan komunikazio sare zabala dago eta ezingo diguzue horren erraz ahoa tapatu, beraz herritarrei jakinaraziko diegu gure blogean alkateak isilarazi nahi zuena. Hona irakurri nahi duenarentzat testu osoa:

Oso ondo ikusten dugu baliabide ekonomikoak ez dituzten pertsonei etxebizitza duin eta egokia, modu egonkorrean, legez okupatzeko eskubidea bermatzea. Baina badakizue gure taldea batipat Azkoitiko arazoak kezkatzen gaituela eta hemendik kanpoko mozioekin ez dugula denbora asko galtzen. Beste irudipen bat ere badugu: Badirudi herritik kanporako besteen arazoak konpontzeko abilezia denok dugula eta gero etxekoak landu behar direnean ez dugula neurri berdina erabiltzen.

Herriko gaietara etorriz, etxe hutsen kontua dela eta, gezurra badirudi ere, pare parean hitz batzuk prestatuta genituen. Pasa den hileko udal bilkuran, hau da,Apirilaren 27koan, erabakiak hartzeko orduan, beste taldekoekin ez zenutela asko kontatzen esan genion  udal gobernuari. Batzordeetara guk nahi genituen gaiak aurkeztu, eztabaidatu eta bozkatzeko aukera hor genuela erantzun zeniguten. Gu jarrera horrek pozten gaitu, baina ikusiko dugu norainoko ibilbidea duen.

Laburpen hau egin ondoren, gure ustez  aldeko gehiengo garbia aurreikusten dugun gai batekin gatozkizue. Dagoeneko urtebete pasa den legealdi honetan, 2016rako zergak finkatzerako orduan, gu 2015eko etxebizitza hutsen zerga mantentzearen alde azaldu ginen, baina zuek beste informazioren bat medio, denbora gutxi barru beste erakunde batetik kobratuko zutela adierazi zeniguten. 2016 urte honetako bost hilabete pasa dira eta ez dugu berri hori inon entzun (azken egunotan Bizkaian zerbait), beraz ez du beste inork kobratu. Gu, ahal bada, Ekainaren bukaeran erdia kobratzearen aldekoak gara eta orain ezinezkoa balitz, denon artean urte bukaeran kobratzea adostu beharko genuke.

Zerga hau alokatuta dauden etxeei ez zaie kobratzen, ez eta alokagai daudenei ere, beraz bere etxebizitzari etekinik atera nahi ez dionak ez dugu uste zerga ordaintzeko arazorik izango duenik eta izango balu aztertuko genuke.

Hurrengo galdera diru hau zertan erabili izan behar luke. Batzordeetan etxe hutsak alokairu sozialera bideratzeko diru-laguntzak nola doazen galdetu dugu eta oraindik erantzunaren zain gaude2min. 30seg. alkateak hitza kendu zigun unea. Hemendik aurrera datorrena esan nahi eta utzi ez zigutena:

, beraz ez dakigu eskaintza horien arabera diru gehiago beharko den edo ez. Gu badakizue parte hartzearen defendatzaile finak garela eta egokiena herritarrei ekarpenak eskatzea eta gero gehien bozkatua dena aukeratzea proposatzen dugu.

Dena den, aurreko udal bilkuran esan zeniguten bezala, batzordeetan hitz egin eta ea noraino iristen garen, ikusten den bezala lanerako prest baikaude eta talde bezala oraindik etsipena urruti ikusten dugulako, gure ekarpenak egiten jarraituko dugu. Eta mozio honetan abstenitu egingo gara.

FacebookTwitterGoogle+

URREZKO ALDAMIOAK

Bai, Nagusia 80ko, eliz atariko aldamioak urrearen prezioan ordaindu ditugu.

Dena den, Azkoitiarron kezkarik handiena izan da eta oraindik hala da.

Hauteskundeetan esan genuen legealdi honetan eraikin hori, ondo ordaindu eta gero, denona izan behar lukeela. Gu, hauteskundeak irabazi edo ez, prest azaldu ginen  arazo hori, naiz elkarlanean, naiz gure esku utzita, konpontzeko, eta badirudi elkarlan horrek eta denon artean jarritako borondate onak bere fruituak dakartzala. Eraikin horretan etxebizitza tutelatu, koworking gune bat, zaharrentzat txoko bat,…horrelako zerbait egitea aurreikusten genuen eta badirudi egun hori gero eta hurbilago dagoela eta azkenean babestutako etxebizitzak eta zaharren elkartea eraikitzeko gai izango garela. Eta honekin elkarlanera animatu nahi nituzke alderdi denak, helburu berdina dugunean, denon artean eginiko  lanarekin helburu horietara iristeko kapaz  garela ikusten baita. Ea zaborraren gaiarekin ere adostasunera iristeko kapaz garen!!!

FacebookTwitterGoogle+