2020-11-25 Udal bilkura

Jarraian udal bilkura honetan Azkoitia Bai taldeak esan eta bozkatutakoa:

Data: 2020-11-25

 

Udal osoaren  ohiko bilkura

 

1.- Aurreko bilkurako aktaren onespena, hala badagokio. 

Ados.

2.- Gaiaren premiatasuna berretsiz gero, Euskal Poliziaren – Udaltzaingoaren –  oinarrizko eskalako agente kategorian sartzeko hautaketa-prozesu bateratuen  kudeaketarako, kudeaketa materialaren gomendioa Polizia eta Larrialdietako Euskal  Akademiari emateko hitzarmena onartzea. 

Hutsik ditugun plazak lehen bai lehen bete daitezen, gure oniritzia.

3.- Azkoitia Lantzen eta Azkoitiko udalaren Lankidetza hitzarmenaren ondorioz,  Oñartxo zabortegi zaharrean lixibiatuen tratamendu zerbitzuak finantzatzeko 1.  kreditu konpromisoa onartzea. 

Gure taldea ez da Azkoitia Lantzeneko partaide, sozietate hau sortu zutenak baitute gure ustez ixteko obligazioa eta herritarrok dirutza hau ordaindu beharraren erantzukizuna. Beraz hemen gertatu zen ingurumen hondamendiaren barkamena inork eskatu ez duenez, udaletxe honen izenean, garai hartan zabortegi honen kontra lan egin zutenei, neu eskatzen ausartuko naiz, nahiz eta ni orduan, bertan borrokan egon ziren gazteak baino zerbait gaztetxoagoa izan. Beraz, barkatu udaletxe honek zuen aldarrikapenei kasurik egin ez izana eta eskerrak eman zuen ikasgaiek, orain gutxi izan dugun zabortegien beste kapitulu berri batean, belarriak tente izaten asko lagundu digulako.

Azkoitia Lantzenera bueltatuz berriz, badirudi berri onak ditugula azken egunotan eta guk, Azkoitiko herriarentzat ongi eginak goraipatzeko inongo lotsarik ez dugunez, gure zorionik beroena Txalon errekan burutu dituzuen negoziaketen emaitzagatik, ea aurrerantzean eremu horretan eta beste denetan ditugun obligazio denak burutzeko kapaz zareten eta azkenik diru gehiegi galdu gabe Azkoitia Lantzen ixten duzuen, bitartean guk zoriontzen jarraitzeko ez dugu inongo eragozpenik.

Eta bukatzeko Azkoitia Lantzeneko gaiei beti ematen diogun ezezko bozka.

4.- Argiteri publikoan LED motako bonbillak ezartzea finantzatzeko 2. kreditu  konpromisoa onartzea.

Herriko argiteriaren kontsumoa jaisteren alde azaldu gara beti eta konpromiso honek laguntza garrantzitsu hauen bideratzea badakar, gure aldeko bozka duzue.

5.- Kreditu gehigarrien bidez kredituak aldatzeko Azkoitiko Udaleko 7 zenbakidun  espedientearen hasierako onespena.  

Azken lurralde batzordean zeuek esan zenuten nik hainbeste aldiz errepikatutakoa. Itziar Joaristi andereak Floreagako eremu batean asfaltatu beharra zegoela adierazi zizuenean, eman zenuten erantzunean hain zuzen. Honela Erantzun zenioten: Zerbait konpontzen hasten garen bakoitzean, beste auzo batzuetako eskariak egiten dizkigute beti. Aztertuko da eta hartu beharreko erabakia hartuko dugu. Bost/sei bat urte daramatzat nik hau esaten eta azkenean onartu duzue behintzat, zeuek zaretela gai hauetan erabakitzen duzuen bakarrak, beraz, beste alderdiekin erabakiak hartzen saiatzen ez zareten bitartean, ezetz bozkatzen jarraitu beharko dugu.

6.- 2020rako Ordenantza Fiskalen aldaketa onartzea, ostalaritza kolektiboarentzat  Covid 19 gaitzaren krisiaren ondorioz hobariak onartuz. 

Terrazak ez jartzeagatik eta sortuko ez duten zaborra jasotzeagatik kobratzea ez litzateke justua izango, beraz ados. 

7.- 2021erako Taxi tarifak onartzea.

Ez dugu ezer asko esateko. Ados tarifak mantentzearekin eta gogorarazi enegarrenez, hitzarmenak gaueko taxi zerbitzuaz diona aztertu behar dugula.

8.- Azaroak 25, emakumeen kontrako indarkeria ezabatzeko Nazioarteko Egunari  buruzko Adierazpen Instituzionalak. 

Honelako udal bilkuretan urtetan jardun nuen emakumeen aurkako indarkeria salatzen eta beste alderdion inplikazioa eskatzen, denok batera ekintza xumeren batzuetarako konbidapenak egiten eta ez nuen erantzunik lortu. Badakizue adierazpen- mozioekin , ez dugula sinesmenik, irakurketa hutsean bihurtzen baitira. Ez dut asko luzatu nahi eta adierazpenen aurrean gure iritzia aspaldi argitaratu genuen, 2018ko Ekainaren 29an hain zuzen ,hori bai, badakizue gure herrian lanketa edo ekintza konkreturen bat egiteko beti bezala gurekin kontatu dezakezuela, bitartean abstenitu egingo gara.

 

9.- Euskararen Nazioarteko Egunari buruzko Adierazpen instituzionala. 

Aurreko puntuan erantzun dugu ez garela adierazpen instituzionalen aldekoak, hori bai, gai honi buruz, bai batzordeetan eta bai kontzejupeko hurrengo argitalpenerako, jakinarazi dugu gure iritzia

10.- Behin betiko onespenen berri ematea.

11.- Aurrekontuari buruzko informazioa. 

12.- Galde-erreguak. 

FacebookTwitterGoogle+

2020-10-28 Udal bilkura

Horratx gure taldeak esan eta botatutakoa.

Data: 2020-10-28

 

Udal osoaren  ohiko bilkura

 

1.- Aurreko bilkurako aktaren onespena, hala badagokio.

Ados

2.- Gaiaren premiatasuna berretsiz gero, Udalbatzar telematiko eta mistoen funtzionamendu arauen onespena.

Ados

3.- Kreditu gehigarrien bidez kredituak aldatzeko Azkoitiko Udaleko 6 zenbakidun espedientearen hasierako onespena.

Lehendabizi gogorazi 2019ko Urrirako agindu zenigutela legealdi plana eta dagoeneko urtebete atzeratuta zoaztela.

Ondoren, beti esaten duguna, udal gobernuak aukeratzen duela noiz, nola eta non gastatuko den herritarren dirua. Aurrekontuko diru asko gastu arruntetan joaten dela badakigu, baina bada beste diru bat (aurten kreditu aldaketetan 3.000.000€tik gora erabili dira eta oraindik ez da urtea bukatu) gastu arruntetatik at, noiz, nola eta non gastatu, alderdi denok eztabaidatu beharko genukeena, gutxienez eztabaidatu, nahiz eta gero, erabakiak hartzeko orduan, zuek duzuen gehiengoaz baliatu. Ez dugu ezer asko eskatzen, parte hartze minimo bat besterik ez. Beraz, nahi duzuenean legealdi plan hori aurkeztu eta etorkizunera begira, herritarren diruak zertan erabili erabakitzeko zain gaituzue.

Eta hemen aurkezten diguzuen kreditu aldaketa honi buruz, guretzat ez dela ohiko kreditu aldaketa bat esan beharra daukagu eta kreditu aldaketa honek dituen sei unitatetik hiru, COVID-19ak eraginiko gastuak direla esan genezake. Beraz, oraingo honetan, oposizioko beste alderdiekin duzuen, edo hobeto esanda, ez duzuen parte hartzea alde batetara utzi gabe, baina izurrite honek dakartzan premiak kontutan hartuta, abstenitu egingo gara.

4.- 2020- 2022 Azkoitiko Udaleko diru-laguntzen plan estrategikoaren aldaketaren onespena.

Diru laguntza bakoitza plan estrategikoan sartu beharra dagoenez eta aldaketa horiek udal bilkuratik pasa behar direnez gure baietza duzue. Ea sarri sarri aldatzen dugun plana, laguntzak bideratzen ditugun seinale.

 

5.- Azkoitiko udalerrian indarkeria sexista kasuen aurrean erantzun publiko instituzionala emateko protokoloa 2020 dokumentuaren onespena.

Protokolo hau alderdi denon artean eztabaidatzeko nahiko aukera eta denbora izan dugu. Aurreko legealditik ari ginen gu latan eta badirudi legealdi berriak on egin dizuela, ia hasieratik eman baitiezue garrantzia gai honi. Azkoitiko talde feministarekin harremanak sendotzeko prestutasuna ere agertu diguzue eta protokolo honen gain beraien iritzia emateko aukera ere izan dute. Beraz, aipatutako bi gaiak, bai protokoloa eta baita talde feministarekin harremana sendotzeak, gure taldearentzat duen garrantzia kontutan hartuz, pausu hauek ematea eskertu eta nola ez, alde bozkatuko dugu.

6.- Aurrekontuari buruzko informazioa.

7.- Galde-erreguak.

FacebookTwitterGoogle+

2020-09-30 Udal bilkura

koadroa 1

Horratx gure taldeak bilkura horretan esan eta botatutakoak:

Data: 2020-09-30

 

Udal osoaren  ohiko bilkura

 

1.- Aurreko bilkuretako aktaren onespena, hala badagokio. 

Bideo-akta egitearena erabaki zuzena dela iruditzen zaigula, bakoitzak esandako dena bertan islatzen delako eta beraz ados.

 

2.- Lurzoru ez urbanizagarria eta araudi orokorrari dagokion Azkoitiko Arau  Subsidiarioen 4. aldaketa puntualaren behin behineko onespena. 

Beste taldeok egin ditugun ekarpenak onartu dituzuela ikusirik, baietza bozkatuko dugu, ea hurrengoan egiten dituzuen aldaketak beste taldeei ere aurretik argitzen dizkiguzuen eta herria ez dugun horrenbeste aztoratzen.

Eta gaur puntu honetan interesa duten pertsonak ditugula ikusirik gure ekarpena luzatzeko aprobetxatuko dut, inporta ez bazaizue.

Con carácter previo a la redacción del Documento para su aprobación definitiva, se ha desarrollado un debate por parte de la totalidad de los Grupos Políticos del Ayuntamiento de Azkoitia y distintos grupos de interés, acerca de la conveniencia o no de posibilitar en las distintas categorías de suelo no urbanizable, los usos vinculados a Plantas de gestión de residuos de construcción y demolición (RCD), así como los usos de escombreras y vertederos de residuos sólidos, llegándose a la conclusión de la inconveniencia de posibilitar en el suelo no urbanizable este tipo de usos, restringiendo, en este caso, las determinaciones establecidas en el PTS Agroforestal. En el primero de los casos (Plantas de gestión de RCD), por la suficiencia de dicho tipo de instalaciones en el Territorio Histórico de Gipuzkoa, claramente expuesta en la Orden del 4 de marzo de 2020, por el Consejero de Medio Ambiente, Planificación Territorial y Vivienda y por la no menos clara negativa ciudadana expuesta en dicho debate.   siendo la más cercana al municipio la del vertedero de carácter público de Lapatx en Azpeitia, el cual recoge RCD provenientes de obras menores. Y en el segundo de los casos (Vertederos y escombreras de residuos sólidos), al considerarlos nocivos para el medio ambiente y contrarios a las políticas de gestión de residuos. Por lo expuesto y salvo cambios en la orden del consejero y/o voluntad ciudadana, declaramos prohibidas  en todas las  categorías de ordenación tanto las plantas de gestión de RCD, como los vertederos y escombreras de residuos sólidos en el término municipal de Azkoitia.

koadroa 1

 

 

3.- Azkoitiko Kale Nagusia 80 eraikinaren birgaitze lanak egiteko Azkoitiko Udalaren  eta Visesaren arteko hitzarmena baliogabetzea.  

Ez zaigu bidezkoa iruditzen, Jaurlaritzatik irtenbide egoki bat ezin eman eta udaletxetik, baliabide gutxiagoekin eman beharra. Ezin dugu hainbeste urtetan, hainbeste diru gastatu ondoren, herritar denentzat lehentasun bihurtu den gai bat berriro ere hasierara bueltatu, ez du zentzurik eta ez da bidezkoa. Badakigu  Visesarekin sinatutako hitzarmenak horrela diola eta bete egin beharko dugula eta udal gobernu honi ez diogu inongo errurik bota nahi, baina nahiz eta alferrikakoa izan, ezetz bozkatuko dugu, gutxienez Jaurlaritzari gure nahigabea azaltzeko.

Denok ezetz bozkatuko bagenu, idazkariak, pasa den astean,  formularen bat aipatu zidan berriro ere atzera egiteko, lehen ere AA.SS.etan hartutako erabaki batzuk deuseztatu genituen.

Berriro diot, guri garrantzitsua iruditzen zaigu Jaurlaritzari zentzugabekeria hau azaltzea.

4.- 2021 ekitaldira Udaleko Ordenantza Fiskalen aldaketaren hasierako onespena.

Aurten ez zaituztegu banan bana gure emendakinak bozkatzen jarriko, baina beti bezala gure botoaren zergatia azalduko dizuegu.

Dirudienez gure taldea da, kasu honetan behintzat, hitza mantentzen duen bakarra. Argi eta garbi azaltzen da, udaletxeko kontuhartzailetzatik bai azken batzorderako eta baita bilkura honetarako ere denoi bidali diguten txosteneko bigarren orrialdean:

 

II.-KONPONDU NAHI DIREN ARAZOAK

2.1 Bizitegi-izaera duten ondasun higiezinei buruzko zerga:

Azkoitiko irizpide orokorra da alderaketa egitea Azkoitiaren tankerako beste hogei udalerrirekin eta, hala, batezbesteko karga fiskala ezartzea.

 

eta udaletxe honetan badira hiru bat urte errespetatzen ez dela. Ba guri, talde denon artean hartu genuen akordioak oraindik asko konbentzitzen gaitu, urteroko joko politikoa alde batera uzten baitu eta denon artean hartutako akordio bat asko baloratzen dugulako. Beraz, goitik dauden zergak, hau da, herritarren etxe eta landa lurretako zergak % 7 eta %4,5 jaistea eta behetik daudenak, hau da, industriarena %2 igotzea eskatzen jarraituko dugu. IBI etxetiarra kongelatzeak ez digu ezertarako balio pasa den urtean %9a goitik izan ginenean eta aurten oraindik %7 gehiago ordaintzen jarraitu behar badugu.

Etxe hutsen zerga igotzea ere bidezkoa iruditzen zaigu, alokairua sustatzeko bide egokia dela deritzogulako eta zuen taldeak beste herri askotan jarrera hau erabili izanak, oraindik ere esperantza txiki bat pizten digulako.

Historiko izenean 30 urtetik goragoko eta gehiegitxo kontsumitu eta kutsatzen duten autoei hobariak ematen ez gaituzue aurkituko.

Baserri bideekin gertatzen dena ere azken 2 urtetan ari gara salatzen. Pinuak atera ondoren, bideak uzten dituzten bezala uztea onartezina da, baina badirudi gure herrian ez dagoela gai hau arautuko lukeen hitzarmenik eta luze joko duela irtenbideak, oraindik beste hitzarmen batzuk baitaude egiteko aurretik. Hau horrela, urtero 250.000€ inguru gastatzen jarraitu beharko dugu.

Eta azkenik zaborraren tasan udaletxeak gastatzen duena biltzera ere bultzatu nahi zaituztegu. Ezin ditugu beste zerga batzuk igo,aurretik aipaturiko herritarren etxebizitzen IBI-a bezala, zaborrarekin urtero egiten dugun zuloa tapatzeko. Gure asmoa ez da herritarrei diru gehiago kentzea eta tasa honetan igotzen dena behar gehiena dutenei hobariak emateko erabili beharko genuke, hau da, ordaindu dezakeenari kobratu, ordaindu ezin duenari laguntzeko. Eta gainera justu tasa hau igotzea egokia ikusten dugu, herritarra zaborraren arazoarekin kontzientziatu dadin. Urbanoa edo etxez etxeko zerbitzuaren tasaren %100era ez hurbiltzea eztabaidatu dezakegu, baina zaborraren tasa ez dugu multzo berean kokatzen.

Adibide bezala elkarte/soziedade gastronomiko bat ipiniko dizuet, ea horrela errazago ulertzen dugun. Pentsa elkarte hauetako batean freskagarri bat hartzen dugula eta dendan erostean ordaindu duguna baino gutxiago kostatzen zaigula. Freskagarri horrekin sortu dugun zuloa beste zerbait garestiago kobratuz tapatu beharko dugu ezta? Horrek sortuko lukeen desoreka kontutan hartuz, guri herrian zaborrarekin horrelako zerbait gertatzen dela iruditzen zaigu eta desoreka hori zuzentzeko ahalegina egiten ari gara azken urteetan.

Beraz, orokorki zuen tasa/zerga igoerak ontzat emango genituzke, guk hemen arrazoitutako eskariak aldatzeko asmorik izango bazenute, baina denon artean adostutakoak ere mantentzen ez dituzuela ikusirik, ezetza bozkatuko dugu.

 

Eztabaidetan gure argudioetako batzuk:

 

a).- PSEren abstentzioa egoera honetan igotzea ez dutelako ikusten:  

Ez dakit egoera honena edo txarrena den, baina garbi daukat zerga gutxi kobratzeak gutxien dutenei egiten dietela kalterik gehien. Udaletxetik ez badugu dirurik jasotzen, behar gehiena dutenak laguntza eske etortzen direnean ezingo diegu lagundu. Nondik eta nola kobratu eztabaidatzeko prest, nola ez, baina aurretik esanndakoa kontutan hartzea nahiko nuke eztabaida hasera bezala.

 

b).- EH Bilduk: IBIa herritar denei eragiten dion zerga denez kongelatzea ondo ikusten dugu eta horregatik abstenituko gara.

Niri, arrazonamendu hori, izugarrizko kontraesana iruditzen zait. 2016ko Ekainean etxe denen balorazio berriak egin ziren, eta udal gobernuaren esanetara, kalkuluak egin ziren, beti bezala gure herria batezbestekoan (median) kokatzeko, baina ez zuten asmatu. Kasualitatez IBI etxetiarra goitik geratu zen eta industriala alderantziz behetik. Bueno oker bat edozeinek egin dezake, baina hurrengo urteetan ez du okerra zuzentzeko inongo borondaterik agertu eta zuek diozuen bezala, Azkoitiar denoi eragiten digun zerga pasa den urtean %9a goitik zegoen eta aurten %7 eta okerrena, eta hor dago kontraesana,berriro diotsuet, zuek publikoki esan bezala, herritarrari zuzenean eragiten dion zerga, %7a garestiago kobratzearen alde zaudetela da egia. Ez dakit kasualitatea den, baina Azpeitiko kasua adibide bezala askotan jartzen duzuela jakinik, konturatuko zinetela uste dut, baina ohartu ez bazarete, Azpeitia da IBI etxetiarra 20 herri horietako konparaketan garestien dagoena.

 

c.)-Beste herriekin konparaketa egitearen harira eta EH Bilduk batzordean galdetu zigunari erantzuna: eta datorren urtean beste udaletxeek %100a igotzen badute?

Lehenik eta behin denok hartutako erabakia denez, guk ere igo egin beharko genuke. Ni, esan bezala, ez nau inork informatu denon artean hartutako erabakia inork bertan behera bota duenik eta hala balitz zer gutxiago beste taldeak informatzea baino.

Bigarrenez esan behar %100a igotzea bezain probabilitate dagoela jaistekoa beraz, nik luzatzen dizut zuri galdera bera, eta beste inguruko herri denak IBIa kobratzeari utziko balie, guk zer egingo genuke bere horretan utzi?

Eta hirugarren eta azkenez, hemen errealitate bakarra dagoela, pasa den urtean zuek diozuen  herri osoari eragiten dion IBIa %9a garestiagoa zela Azkoitia eta Aurten oraindik ere %7a goitik jarraituko duela eta beste talde guztiok, zuek barne, horrekin ados zaudetela.

 

d.)-EAJ-PNV-k obra bat egitera doanari zerga kobratu beharko diogula, obra egitera badoa dirua izango duelako dela esan zuenekoa:

Kasu horretan, etxe huts bat duenari, ez badu etxe horrekin ezer egin nahi edo bere familiako batentzat gorde, … eta gainera behar duenari alokatu nahi ez badio, hau da, etekinik ateratzea nahi ez badio, dirua izango duelako izango da baita ere eta horri ere kobratu beharko genioke.

 

 

 

 

5.- 2021 ekitaldirako Zubiaurre-Elkargune Institutuko tarifen hasierako onespena. 

Guri, herritar denak ez ditugula berdin tratatzen iruditzen zaigu. Herritar batzuk, beraiek aukeratu duten jarduera 100€ tik gora ordaintzen duten bitartean, beste batzuk 61€ inguru ordainduko dute eta horretarako arrazoi garbirik inork ematen ez digun bitartean ezetza bozkatzen jarraitu beharko dugu. Badirudi pilates, cycling eta total trainning bezalako jarduerak aberatsentzat direla, horiek baitira 100€ inguru ordaintzen direnak eta aerobik-step, GAP edo zumba alderantziz pobreentzat. Altuago esan daiteke, baina nik garbiago, dagoeneko ez dakit nola esplikatu.

 

6.- Kreditu gehigarrien bidez kredituak aldatzeko Azkoitiko Udaleko 5 zenbakidun  espedientearen hasierako onespena. 

Oraingo honetan neure auzora daraman bidea konpontzea da aukeratu duzuenetako bat, baina herriko zer obra eta noiz eta nola egin aukeratzen parte hartzen ez dugun bitartea, ezetza bozkatzen jarraituko dugu.

 

7.- Kreditu gehigarrien bidez kredituak aldatzeko Zubiaurre-Elkargune Institutuko 1  zenbakidun espedientearen hasierako onespena. 

Izurrite garai honek eragin duen zuloa tapatzeko dela jakinik eta aurretik denon artean batzordeetan jorratutakoa, alde bozkatuko dugu.

8.- Behin betiko onespenen berri ematea. 

9.- Aurrekontuari buruzko informazioa. 

10.- Galde-erreguak. 

FacebookTwitterGoogle+

2020-07-29 Udal bilkura

Segidan gure taldeak esan eta bozkatuak :

Data: 2020-07-29

 

Udal osoaren  ohiko bilkura

 

1.- Aurreko bilkuretako akten onespena, hala badagokio.

ADOS

2.- Azkoitiko Hirigintza Arauen 4. aldaketaren behin betiko onespena (3 H.E. San Martin, 24 H.E. San Juan eta 25 H.E. Basarte).

Beldur ginen aldaketa hauek onartuz gero lurzoru ez urbanizagarrien eremuan eraginik izan lezakeen eta azken batzordean horregatik bozkatu genuen ezetz, baina zer ikusirik ez duela argitu ostean, aurretik esan genuen berdina esan eta bozkatuko dugu berriro.  San Juan eta Basarte eremuetan egingo diren aldaketek onurak ekarriko dizkiola bertakoei eta besteoi kalterik ez eta bestalde, kalteak baino onura gehiago ekarriko dizkigula San Martin eremuan egingo diren aldaketek ere, hau da, etxebizitza bat altuago egiteak etorkizunean elkarguneko sarrera/plaza handitzeko aukera emango digula, beraz, ados.

3.- Azkoitiko udalerrian etxez etxeko laguntza zerbitzua eskaintzeko kontratuaren 1.luzapenaren onespena.

Gizarte zerbitzuetako buruak, ematen duten jarduerarekin, erabat kontentu agertu direnez, alde bozkatuko dugu.

4.- 2019ko Azkoitiko Udala, Zubiaurre Elkargune Institutoa, San Jose Egoitza eta Azkoitia Lantzen, S.A.ren kontu orokorren eta kontu kontsolidatuaren onespena.

Oro har, Udaleko, Elkarguneko eta egoitzako kontuekin ados gaude, baina Azkoitia Lantzenen parte ez izatearen erabakia hartu genuenez, sozietate hau sortu zutenak baitute guretzat ixteko ardura, abstenitu egingo gara.

5.- 2020ko ekainaren 16ko Alkatetza dekretua, kreditu aldaketa kreditu gehigarria 3/2020 onartzen duena, baliozkotzea.

Bizikletak garbitzeko gune hori egiteko ez dakigu une onena den, baina diru kopuru handia ez dela kontutan harturik eta behar bada bizikletaren erabilera zertxobait sustatuko duelakoan ados.

Herriko merkatariei laguntzak ematea ere ondo deritzogu, baina gaizki ulerturen batzuk izan ditugu puntu honetan. Lehen egunetik, laguntza lerro hauek atera beharrarekin denok ados azaldu ginen. Udal gobernuak gauzak ondo egin nahi zituela adierazi ondoren, nahi baino denbora gehiago pasa zaigu, baina laguntza beharrean zeuden denei iritsiko zitzaien kopurua jarriko zela entzuteak asko lasaitzen gintuen. Baina, laguntza hauek komunikabideetan zabaldu zirenean gure taldeak ez zekien ez laguntzak zenbatekoak izango ziren, ez eta zer baldintza bete beharko ziren laguntzak jasotzeko, aurretik inork ez baitzigun zentzu horretan inongo azalpenik eman. Gu ere, behar bada, denbora gehiegitxo egon gara zer baldintza jarriko ziren itxaroten, baina beste laguntzak onartzeko orduan azalpen hauek ematen direla jakinez eta azterketa sakona egiten ari zinetela behin eta berriz entzun ondoren lasai geunden. Dudarik ez dugu  ez zela intentzio txarrik egongo, baina garbi dagoena da, erabaki hauek hartzeko orduan, ez dugula parte hartu  eta herritar batek, zer ari zarete, hondartza aurrean bigarren etxebizitza dutenei laguntzen? galdetu zigunean ez genuela jakin zer erantzun. Dagoeneko berandu izango da, baina gizarte zerbitzuetara laguntza eske etortzen direnei bezala, laguntza hauek emateko orduan ere patrimonioari begiradatxo bat bota behar genioke, benetan laguntza behar dutenentzat izatea nahiko bagenu behintzat. Beraz, hemen esanak hurrengorako kontutan hartuko dituzuelakoan, esan bezala, intentzio txarrik izan ez duzuela eta erabakia dekretu bidez hartuta dagoela jakinik, hori bai, beti bezala gure bozka arrazoitu ondoren, abstenitu egingo gara.

6.- Lanpostuen balorazio berriaren onespena eta dagokion lanpostu zerrendaren aldaketaren onespena.

Balorazio hauek egiteko ez dira garai onenak. Esan behar udaletxeko langileek aurten beren soldaten %2ko igoera izan dutela eta orain lanpostuen balorazio hau egiteak, herriari, beste diru kantitate bat suposatuko diola eta herritar askoren egoerak ez duela azken hilabeteetan hobera egin. Badirudi orain urte batzuk egin ziren balorazio/negoziazioetan hartu ziren erabaki batzuk, gaur egungo legediarekin talka egiten zutela eta postu batzuetako langileen aspaldiko eskariei erantzuna emango zaiela. Ez da erraza izaten soldatak negoziatzeko orduan adostasuna lortzea, sektore publikoan oraindik zailagoa eta hemen lortu da.

Beraz adostasun hori baloratuz eta langileei ere dituzten pribilegioak kontutan hartzeko eskatuz, alde bozkatuko dugu, hori bai, berriro ere momentu honetan herritarren dirua sekula baino kontu gehiagoz kudeatu beharko genukeen uneak direla gogoratuz eta herriak egingo duen esfortzua kontutan hartuz.

7.- 2020 ekitaldiari dagokion kontrol finantzarioko urteko planaren berri ematea.

8.- Behin betiko onespenen berri ematea.

9.- Aurrekontuari buruzko informazioa.

10.- Galde-erreguak.

FacebookTwitterGoogle+

EEH-RCD Planten kudeaketa

koadroa 1

Dagoeneko udal gobernuak, arau subsidiarioen (AA.SS.) aldaketa bideratu du eta beste taldeoi erakutsi digu beraien proposamena. Testua gaztelaniaz dago, baina gaia argitzeko horrela aurkezten ausartu gara. Beltzez udal gobernuaren testua eta gorriz eta marratuta gure eranskinak eta ezabatzea nahiko genukeena.

2020-07-16 ko lurralde batzordean aurkeztu dugu eta aztertuko dutela erantzun digute.

Gure proposamenak, elkargunean egin zen bilera hartan esan zena hobeto islatzen duela iruditzen zaigu.

 

AA.SS.

 

Con carácter previo a la redacción del Documento para su aprobación definitiva, se ha desarrollado un debate por parte de la totalidad de los Grupos Políticos del Ayuntamiento de Azkoitia y distintos grupos de interés, acerca de la conveniencia o no de posibilitar en las distintas categorías de suelo no urbanizable, los usos vinculados a Plantas de gestión de residuos de construcción y demolición (RCD), así como los usos de escombreras y vertederos de residuos sólidos, llegándose a la conclusión de la inconveniencia de posibilitar en el suelo no urbanizable este tipo de usos, restringiendo, en este caso, las determinaciones establecidas en el PTS Agroforestal. En el primero de los casos (Plantas de gestión de RCD), por la suficiencia de dicho tipo de instalaciones en el Territorio Histórico de Gipuzkoa, claramente expuesta en la Orden del 4 de marzo de 2020, por el Consejero de Medio Ambiente, Planificación Territorial y Vivienda y por la no menos clara negativa ciudadana expuesta en dicho debate.   siendo la más cercana al municipio la del vertedero de carácter público de Lapatx en Azpeitia, el cual recoge RCD provenientes de obras menores. Y en el segundo de los casos (Vertederos y escombreras de residuos sólidos), al considerarlos nocivos para el medio ambiente y contrarios a las políticas de gestión de residuos. Por lo expuesto y salvo cambios en la orden del consejero y/o voluntad ciudadana, declaramos prohibidas  en todas las  categorías de ordenación tanto las plantas de gestión de RCD, como los vertederos y escombreras de residuos sólidos en el término municipal de Azkoitia.

Beraz, ondorengo koadroan, debeku garbia azalduko luketen aldaketak egitea ere eskatu dugu:

3a jartzen duten eremuak 3 gatik aldatu, debekatzea nahi dugula garbi gelditu dadin.

3a:Uso no deseable en dicha categoría. Excepcionalmente será admisible en el caso de que sea avalado por un informe del órgano competente en materia ambiental y/o agraria que considere de manera específica la afección sobre el medio ambiente y/o la actividad agroforestal, así como la incorporación de medidas correctoras en los términos recogidos en la legislación ambiental vigente y/o en el PEAS (Documento D Anexo I,‘Instrumentos de actuación’ del PTS Agroforestal) en el caso de la afección agraria.

3: Prohibido

 

koadroa 1

 

 

FacebookTwitterGoogle+

2020-07-15 Udal osoaren ez ohiko bilkura

Data: 2020-07-15

 

Udal osoaren ez ohiko bilkura

 

1.- Udaleko 2020ko aurrekontuaren kredituak baliogabetu eta ez erabilgarri izendatzea Covid-19ak eragin duen sarreren murrizketagatik.

Gai honekin ez genituzke Azkoitiarrak beldurtu nahi. Momentuz gerakinenean nahiko diru dagoela esatea nahi genuke (murrizketa hauek egin ondoren 1.800.000€-tik gora) eta 2020 urte honi aurre egiteko ez dugula inongo arazorik aurreikusten. Hori bai, aurrerantzean datozkigun erronkei aurre egitea nahi badugu, bai Floreagako igogailuei, bai igerileku berriari, gerakinaren poltsa hori berehala uztea ez zaigu komeni eta aurrekontuen berrikusketa egitea egokia dela deritzogu, hori bai, beharrean ditugun herritarrak lehenetsiz. Pandemieren eragina dela eta, kultura eta festa arloan egin ez diren ekitaldi/ikuskizunen ondorio, ez da aurreikusten zen diru kopuru bat gastatuko eta ez erabilgarri izendatzea egoki iruditzen zaigu. Tenis pisten estaltzearen alde lehen ere ez ginen azaldu eta aspalditik eskatzen den gazteen parkea ere, nahiz eta pena gehiago eman, ez dugu lehentasun bezala ikusten.

Beraz, murrizketa hauekin ados gaude, baina ezadostasunen bat edo beste ere baditugu, batik bat goi karguen soldatetan. Berriro ere, herritar askori etorri zaizkion krisi une hauetan, udaletxetik ere keinu berezi bat egiteko momentu egokia zela iruditzen zitzaigun eta konfinamendu garaiko soldata kopuru baten dohaintza egitea eskatu diegu, baina ezezko borobila jaso dugunez, baiezkoa eman ordez abstenitu egingo gara.

 

2.- Zubiaurre-Elkargune Institutuko 2020ko aurrekontuaren kredituak baliogabetu eta ez erabilgarri izendatzea Covid-19ak eragin duen sarreren murrizketagatik.

Gehien bat, konfinamendu garaian kobratu ez ziren bazkidetza tasetan egin zen zuloari irtenbide egoki bat aurkitzea da, puntu honetan tratatzen dena. Elkargunean, pasa den urteetako gerakinarekin aurre egiteko eragozpenik ez dagoela ikusirik eta oraindik ere beste 180.000€-tik goragoko soberakina aurreikusten dela jakinik, baietz bozkatuko dugu.

 

3.- Azkoitiko Udalaren diru-laguntzen Plan Estrategikoa 2020-2022ren aldaketaren hasierako onespena.

Azken finean, edozein diru laguntza ematea nahi badugu, plan estrategikoan sartu behar dela kontutan harturik, gure baietza.

FacebookTwitterGoogle+

2020-06-24 Udal Bilkura

Horratx gure taldeak, azkoitia Baik, esandakoak eta puntu bakoitzaren botoa:

Data: 2020-06-24

 

Udal osoaren ohiko bilkura

 

1.- Azkoitiko Arau Subsidiarioen 4. aldaketari dagokion behin betiko onartutako 3. area “San Martin”, 24. area “San Juan” eta 25. area “Basarte” eremuei dagokien behin betiko onespenaren deuseztasun absolutua. 

2019ko Azaroko udal bilkuran, ingurumen txostenak falta zirela ohartu ondoren, 4.aldaketaren deuseztatzeari hasiera eman genion eta orain ere behin betiko deuseztatzearen alde bozkatuko dugu. Orduan, etorkizunean izan genitzakeen arazoak ekiditeko deuseztatze honen alde azaldu ginen, baina ez genuen sekula pentsatuko izan ditugun arazoak izango genituenik. Beraz, eskerrak prozesu hau abiatu genuen eta horrela Azkarateko instalazioaren eraikinean herriak parte hartzeko posibilitatea  izan duen, bestela eraikuntza hori gelditzea asko zailduko baitzen.

 

2.- 23 H.E. Umantsoro eremuan, Xubi enpresaren lursailaren xehetasun azterlanaren behin betiko onespena. 

Herriarentzat kalterik ez duela ekarriko dirudi eta industria-gune horren sarrera ere zerbait txukunduko dela, beraz alde bozkatuko dugu.

 

3.- Gazteen alokairuak sustatzeko laguntzak izapidetzeko Azkoitiko Udala eta Azkoitia Lantzen, S.A.ren arteko hitzarmena onestea. 

Alokairu hauek sustatzeko laguntzak udaletxetik zuzenduko balira baiezkoa bozkatuko genuke, baina Azkoitia Lantzen tartean izanik abstenitu egingo gara.

4.- 2020ko udaleko aurrekontua gauzatzeko udal arauaren aldaketaren hasierako onespena. 

Kantitate handiak ez direla kontutan harturik eta barne kudeaketan lagunduko duelakoan, gastu hauek kutxa finkoko aurrerakin gisa tratatzea ondo iruditzen zaigu.

5.- Covid-19 gaitzaren krisiagatik bereziki kaltetutako kolektiboentzat 2020ko tasetan aparteko hobariak ezartzeko hasierako onespena. 

Hobari hauen onuradunentzat behar bada laguntza gutxi eta berandu iritsitakoak izango dira, baina egun gutxi barru laguntza lerro gehiago izango direla jakinik eta azken finean, hemen eta orain aurkeztutako hauek ere, gehien kaltetuei onura ekarriko dietela kontutan harturik, alde bozkatuko dugu.

 

6.- Elkarguneko zerbitzuak indarrean jartzearen ondorioak  tasetan. 

Denontzat buruhauste gutxien sortuko duen sistema izango dela iruditzen zaigu eta dirua bueltatzea nahi duenak ere arazorik ez duela izango jakinarazi digutenez, alde bozkatuko dugu.

7.- Azkoitiko Udalaren dirulaguntzen oinarri orokor eta espezifiko arautzaileen hasierako onespena.

Gardentasunean aurrera pausu bat emateko asmoz, prozedura egokitzapen honekin, bai onuradun eta baita udal teknikariek ere, laguntza eman aurretik eta ondoren aurkeztu beharreko egiaztagiriak sortzen dituzten zalantzak argitzen asko lagunduko dutelakoan, alde bozkatuko dugu.

8.- Aurrekontuari buruzko informazioa.

9.- Galde-erreguak.

 

FacebookTwitterGoogle+

2020-05-28 Azkarateko prozesuaren bukaera (Elkarguneko saioa)

Gu udaletxean herritarren arazoei irteera emateko gaude, baina batzuetan ikuspegi kontrajarriak azaltzen zaizkigu eta erantzun egokiena emateko datu eta informazio zabalena biltzen ahalegintzen gara.

 

Lantegi horretan, garbi gelditu da, Azkaratekoa ezin dela egin. Arau subsidiarioak (AA.SS.) ez dute ahalbidetzen. Gaur egun dauden bezala onartuko bagenitu, hau da Eraikuntza eta Eraispen Hondakin (EEH) plantak ahalbidetuko lituzketen puntuak bere horretan utziz, ezingo litzateke Azkarateko instalazioa eraiki eta puntu horiek ezabatuko balira  zer esanik ez. Momentuan hauek dira udaletxeko alderdi denek aurkeztu dituzten bi aukerak. Beraz , soilik Eraikuntza eta Eraispen Hondakin (EEH) planta bat ez dela jakinik, legedia errespetatuz Azkaraten proiektatuta dagoen instalazioa ezin da eraiki.

 

Lapatxen ere  ezingo da eraiki bertan proiektatuta zegoen planta, hauen kudeaketa eskumena ez baita udaletxeena eta mankomunitateak udaletxeen eskumena ez den ezer egiteko baimenik ez duelako. Honek lege aldaketa bat eskatuko luke eta luzera joko lukeela dirudi. Gure ustez, aldaketak ez du inongo konplexutasunik, udalerrien eskumenen barnean, planta hauek eraikitzearena jartzea besterik ez litzake izango, baina organo horietan dauden beraiek luze joko duela esaten badute, ezin konfiantza handirik izan. Hemen eta orain eskatzen diegu, bai aldundian eta bai Jaurlaritzan , gehiengoa duten alderdiei, hau da hemen zaudetenoi, instalazio hauek publikoak izatea ahalbidetuko luketen eman beharreko pausoak ematen hasi zaitezten, gure ustez gaur egun dagoen kontrol faltan, aurrerapen handi bat izango litzatekeelako.

 

Arrazoi bera medio, hau da, udaletxearen eskumena ez den heinean, Lapatxen obra handiko hondakinik ezin da jaso, baina obra txikia jasotzeko ez dago inongo eragozpenik.

 

Eusko Jaurlaritzak dionaren arabera, sortzen diren hondakin denak balorizatzeko, nahiko planta dago Euskal Autonomi Erkidegiko (EAE) probintzia denetan, 2018an hondakin planari egin zitzaion berrazterketan eta denok dakigun Zaldibarko zorigaitzaren ondoren,  aurtengo Martxoaren 4ko sailburuaren aginduak dioen bezala eta adibide bezala autoz 17 eta 23 minutura dauden bi planta aurkitu ditugu, Txaraka izenekoa Zaldibarren eta Urkiondo Ekolur Legazpin.

 

Ingurumenarekin erlazio zuzena duen beste gai batek ere asko kezkatu edo gutxienez harritu gaitu. Instalazio hauek eraikitzeko ingurumen-inpaktuaren ebaluazio arruntik ez dela eskatzen ingurumen sailetik. Gure ustez azterketa berezia egin beharko litzateke, baina Jaurlaritzak azterketa arrunt bat ere ez die eskatzen horrelako instalazioak eraiki nahi dituztenei. Azkarateko instalazioari buruz Ingurumen sailak eginiko txostenean, igarobide ekologikoarekin mugakidea dela, Aldazabal errekari dagokionez, ezker ertzeko erribera-baso ia osoa kendu dela egiaztatu da, zarataren eta bibrazioen ondorioak, airearen kutsadura, isurtzen diren hondakin finen kopurua eta beste hainbat arrisku aipatzen dira eta bukaeran azterketa arruntik ere ez zaie eskatzen. Azken urteetan bizi izan ditugun zorigaitzak kontutan hartzen baditugu, gure ustez, esan bezala, gutxienez kezkagarria.

 

Beraz, dagoeneko, ingurumenari egin zaion kaltea zuzentzeko eskatuz eta datuen arabera, inguruan  balorizazio nahiko planta dagoela kontutan harturik, gure taldeak, Arau Subsidiarioetatik (AA.SS.) horrelako plantak egitea ahalbidetzen duten puntuak ezabatzea eskatuko dugu udaletxean.

 

Baina bada oraindik irtenbiderik eman ez diogun arazotxo bat. Obra handia denean, legeak balorizazio planta batera eraman aurretik, higiene eta segurtasun neurriak bermatzen dituen bilketa parke bat eraikitzea ahalbidetzen du, hori bai, lanorduz kanpo estali daitekeen edukiontziz osatua. Gaur egun, gremioen hitzak erabiliz,legez kanpoko isurketa asko egiten dutela garbi azaldu digute. Gure herriko bilketa parkea Izarre Jandalon dagoela dirudi, baina denok dakigun bezala, ez du inondik inora legeak eskatzen duena bermatzen. Hori bai, gure taldea, birziklatzea sustatu nahirik, isurketa klandestinoak ekiditeko, tarteko biltegi txiki baten eraikuntza aztertzeko prest egongo litzateke. Kamioi bat osatu orduko, planta hauetara bideratu eta bakoitzak eraman dituen kg. arabera ordainduz. Gremioak eta udaletxeak, elkarlanean, benetako beharretara egokitutako biltegi hau diseinatu, bete beharreko legedia betez eta beste alderdien, plataformen eta ekologisten oniritzia dagoenean Arau Subsidiario (AA.SS.) berriak idatzi beharko genituzke. Guretzat, orduan izango lirateke herrian benetan behar diren arauak eta herritarren benetako parte hartze baten ondorioz idatziak.

FacebookTwitterGoogle+

2020-05-27 Udal Bilkura

Horratx gure taldeak esan eta bozkatuak:

Data: 2020-05-27

 

Udal osoaren ohiko bilkura

1.- Aurreko bilkuretako akten onespena, hala badagokio.

Ados.

 

2.- 2020 ekitaldirako Udal Araudi Planaren aldaketaren onespena.

Diru laguntzak bateratzeko eta laguntzen artean dauden ezberdintasunak saihesteko asmoarekin eginak direnez, alde bozkatuko dugu

 

3.- Gazteen alokairuak sustatzeko laguntzak izapidetzeko Azkoitiko Udala eta Azkoitia Lantzen, S.A.ren arteko hitzarmena onestea.

BERTAN BEHERA gelditu da, COVID19a tarteko, zinegotzi kopuru txikiagoa joan garelako eta gehiengora iristen ez ginelako.

 

4.- 2020 urteko Azkoitiko udalerriko tokiko jaiegunak zehaztea.

Betiko jaiegunak direla kontutan harturik eta langileen oniritzia badago, guk ez dugu oztoporik jarriko

 

5.- Kreditu gehigarrien bidez kredituak aldatzeko Azkoitiko Udaleko 2 zenbakidun espedientearen hasierako onespena.

Emergentzia egoera honetan, herriko merkataritza arlo denak suspertzeko eginiko bonoak direla kontutan harturik eta aurretik batzordeetan eztabaidatzeko aukera izan dugunez, baiezkoa emango diogu, baina ez, pasa den Urritik, legealdi planaren zain gaudela gogorarazi gabe.

 

6.- Kale garbiketa zerbitzuaren kontratuaren 1. luzapena onestea.

Honelako kasuetan eta esperientzia txarrik izan ezean ohi den bezala, alde bozkatuko dugu.

Bilduk, ezer arrazoitu gabe, batzordean abstentzioa eman zuela kontutan harturik, udal bilkuran ez badu arrazoitzen bozka  horren zergatia galdetuko diogu, ea besteok ez dakigun zerbait dakiten eta horrela bada herritarrak jakitea ere komenigarri litzatekeelako.

 

7.- Etxez Etxeko Laguntza zerbitzuko erabiltzaileen ekarpen ekonomikoa

zehazteko kalkulu sistema aldatzea, eta ondoriozko ordenantza fiskalaren

aldaketaren onespena.

Onuradun pertsona gehiago artatuko direnez eta egoera larrietan dauden herritar gehiagoren jarraipena egiten lagunduko digunez, ados.

 

8.- Azkoitiko merkataritza lokal hutsak ekintzaile berrien bitartez berreskuratzeko programaren oinarri arautzaileen aldaketaren

onespena.

Badirudi azken urtean, alde zaharrean itxita dauden lokalak ez direla irekitzen eta aldiz, bai beste toki batzuetan. Beraz, oinarriak orain arte bezala utzi ezkero, ez genuke onuradunik izango eta benetan pausu hau emateko balentria azaldu duenak laguntza bat merezi duela uste dugunez, gure aldeko bozka.

 

 

9.- Azkoitiko Udala, Zubiaurre-Elkargune Institutua eta San Jose Egoitzaren 2019ko aurrekontuaren likidazioaren kontu-hartzailearen txostenaren eta alkatearen dekretuen berri ematea.

 

  1. 2019. ekitaldiko finantza kontroleko urteko txostenaren berri ematea.

 

11.- Behin betiko onespenen berri ematea.

 

12.- Aurrekontuari buruzko informazioa.

 

13.- Galde-erreguak.

FacebookTwitterGoogle+

Azkarate Hausnarketa eta erabakia

Ez dakit ondo, gaizki, berandu, makal, argitasun gutxirekin, … nola ikusten duten herritarrak gure taldearen jarrera, baina orain arte eman ditugun pausoak eta hartu dugun erabakia ahal den laburren azaltzea nahi genuke.

Apirilaren 7an jaso genuen guk ere ia beste herritar denak bezala berria. Ia jarri dut ez baitugu sinesten udaletxean lan hauen berri lehenagotik ez zekitenik. Berri horretan “residuos industriales” hitzak erabiltzen ziren titularrean eta gu ere, beste herritar asko bezala, hemen datoz orain Zaldibarren sartu ezin dutena pentsatzen jarri ginen eta buruan ezetza genuela joan ginen egun bertan 13:00tarako deitu genuen bozeramaile batzordera.

Bozeramaile batzorde horretan, kritikoena gure taldea izan zela esatean, ez dut uste inork gezurretan ari garenik esango duenik. Nola ez, Zaldibar eta Oñartxo aipatu genituen eta hauek sortu diguten mesfidantza. Gune haiek ere segurtasun neurri denak hartuta hasiko zirela eta begiratu nola bukatu duten esaten jarraitu genuen. Ez direla hartu beharreko kontrol neurriak hartzen eta azken finean ez garela fidatzen, beste herritar asko eta asko bezala eta mesfidantza horri buelta ematea ia ezinezkoa ikusten genuela adierazi genion, batzorde horretara agertu zen  Larke 360 enpresako arduradunari.

Batzorde horretan, oraintxe esan bezala, Larke 360 enpresak hartu zuen parte eta instalazio horren helburua esplikatu zigun denoi. Europako aginduaren arabera eraikuntzako hondakinak birziklatzera derrigortuta gaudela eta ez duela inongo zabortegirik eraiki nahi, amianto, kutsatutako lur, eta horrelako hondakin arriskutsuak jasoko ez dituelarik. Hori bai, sortu den tsunamia ikusi ondoren alderdi denon baiezkorik gabe ez duela planta hori eraikiko, bera ere herri honetan bizi baita eta kalean bai bera eta bere familia lasai ibiltzea nahiko lukeelako.

Batzorde horren bukaeran eta herrian sortu zen tsunami hori nolabait baretzeko, lehen bai lehen, komunikatu bateratu bat argitaratzea pentsatu zen, zabortegi soil bat ez zela, hondakin arriskutsurik jasoko ez zutela, berrerabilpena sustatuko zela, … eta horrelako mezuekin. Behar bada presa gehiegirekin jokatu genuen, baina garbi utzi nahi dut guk instalazio honi ez geniola momentu hartan baietzik eman.

Udaletxetik ere beste mezu oker bat zabaldu zen, aktibitate ekonomikoaren lizentzia izapidetzea zegokiola soilik eta taberna bat jarri zen adibide bezala: edozein taberna ireki nahi duen bat, baimen denekin etortzen bazaigu udaletxera, ezin diogu ezetzik eman, hori prebarikatzea litzateke.

Hori horrela, gure lana, beharrezko kontrol zorrotzenak jartzean zentratu zen, kontrol hori, bertan udaletxeko langile bat lanaldi oso batean ipiniz edo ekologista talde baten esku utziz, beste batzuek tsunami hori ez gelditzeko ahaleginetan jarraitzen zuten bitartean, amiantoa, lur kutsatuak, … eramango zirela esanez egunero, azkenik, horretarako baimena zutela, ia geu ere sinestera iritsi ginelarik.

Dena den, egun gutxi barru, EH Bildu taldeari esker, instalazio hau eraikitzeko arau subsidiarioak aldatu behar zirela ohartu ginenean, gure lanari beste noranzko bat eman genion. Orain aurretik aipatu dugun tabernak ez ditu baimen denak eta sortu zitzaizkigun galderak desberdinak ziren:

1-Herrian, horrelako gune baten beharra dago?

2-Beharra balego, gure ustez, zer baldintza bete beharko lituzke?

3-Nola ezarriko genuke, guretzat ezinbesteko garrantzia duen kontrola ?

Esan behar beste alderdiak dituzten baliabiderik ez dugula, baina Arau Subsidiarioak aldatu behar zirela ziurtatu zigutenetik, hiru egun barru erabakia hartuta geneukala, baina egun berean hirigintza batzordeko deialdia jaso genuenez, beste alderdiak errespetatuz, gure azalpen denak, batzorde horretan ematea erabaki genuen.

1.galderari erantzunez, ekologista taldeak, aspalditxotik egiten ari diren salaketak etorri zaizkigu burura. Zabortegi ez kontrolatu asko sortzen ari direla bide eta erreka bazterretan eta nolabaiteko irtenbidea eman beharko zaiela, ondo antolatutako horrelako bereizte plantak bultzatuz.

2.galderari erantzuteko, orain arteko instalazioetan baino kontrol zorrotzagoak ezartzea izango litzateke baldintza nagusiena.

Beraz 3. galderaren erantzunak ere izugarrizko garrantzia duela uste dugu eta guretzat erantzun egokiena, instalazio horrek ezinbestean publikoa izan beharko lukeela da.

Aurretik gure udaletxean horrelako beste prozesu bat bideratu genuen eta alderdi denak eraikuntzako hondakinak birziklatzeko gune publiko baten alde azaldu ginen (2018ko Martxoko Udal Bilkurako 6.puntua ikusi), mankomunitatetik bideratutako ekimena bultzatuz.

Beraz zabortegi ez kontrolatuak ekiditeko, ahal den hondakin gehienak birziklatuz, kontrol egoki bat bermatzeko, ezinbesteko publikotasuna kontutan hartuz eta aurretik denon oniritzia duela jakinez, egokiena instalazioa hau Lapatxen eraikitzea ikusten dugu.

Lehen bai lehen estatutuak aldatu eta denbora gutxian irekitzeko ez diogu arazorik ikusten, dagoeneko, plataformak, baskulak, bulegoak, dekantadoreak, … erabilgarri baitaude eta bide batez ingurumenean eragingo genituzkeen kalteak asko saihestea lortuko genukeelako.

Gure taldearen ustez, dudarik gabe, gunerik egokiena hau litzateke eta denon baldintza eta eskariak asebeteko lituzke.

FacebookTwitterGoogle+